Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Mahay miaina sy miara-miaina

Mahay miaina sy miara-miaina

                Ny valanaretina Covid-19 andiany faharoa ve no tena mahery vaika sa ny fitandremam-pahasalamana no malemy paika? Samy marina avokoa izany: mifampiankina, mifanazava… Ny tsy fitandremam-pahasalamana no vao mainka mampahery vaika sy mampahazo vahana ny aretina. Nefa izay hery vaikan’ny aretina izay ve no hampalemy paika ny fitandremam-pahasalamana? Izay no iainana isan’andro amin’izao, fa tsy arakaraka […]

Niaiky ny Jirama ary naneho fialan-tsiny: “Nisy ny lesoka tetsy amin’ny CTC Alarobia…”

Niaiky ny Jirama ary naneho fialan-tsiny: “Nisy ny lesoka tetsy amin’ny CTC Alarobia…”

Nitondra fanazavana, manoloana ny tranga niseho. Niaiky ny eo anivon’ny Jirama fa nisy ny olana tamin’ny famatsiana herinaratra teto an-dRenivohitra, indrindra amin’ireo toerana fandraisana marary. Nambaran’ny tale jeneraly, Andriamanga Vonjy fa tsy nandeha araka ny tokony ho izy ny milina mampandeha ny herinaratra efa napetraka amin’ireo toerana andraisana mararin’ny covid-19. “Vokatry ny fianjeran’ny andrin-jiro iray […]

Tselatra

Vehivavy tsy salama saina iray tokony ho 43 taona no hita faty teo amin’ny rano Ambositra, andrefan’ny tetezan’ny lalam-pirenena fahafito, omaly. Namono tena izy raha ny fitiliana nataon’ny dokotera. Efa manana olana ara-tsaina ihany koa izy. Efa taizan’ny masera tao Ankarefo noho io aretiny io, hoy ny loharanom-baovao iray. Nambarany fa nisara-bady ravehivavy ary namela […]

Vaky trano nisesy – Tanjombato sy Andoharanofotsy: navotsotry ny polisy ireo telo lahy voasambotra

Manoloana ny fisiana vaky trano nisesisesy tetsy Tanjombato sy ny manodidina, izay nahatrarana telo lahy, afakomaly, navotsotry ny polisy ny harivan’io andro io ihany ireo olona telo voaroiroy teny an-toerana.  “Vao afakomaly ireo telo lahy no tratra ary fantatray fa nanao ny vaky trano izy ireo,  saingy efa navoaka sahady”, hoy ny iray tamin’ireo voaroba. […]

Maevatanana: rongony 70 kg  tra-tehaky ny polisy

Gony niisa telo feno rongony no saron’ny polisy tao Ambodivona  amin’ny lalam-pirenena hiditra an’i Maevatanana  iny, ny alin’ny asabotsy  10 avrily teo tokony ho tamin’ny  11 ora alina. Fiara iray nandalo teo amin’io lalana io no nametraka ny entana, saingy tsikaritry ny andrimasom-pokonolona izany. Niantso ny polisy sy nanatona nijery ny zava-nisy izy ireo raha […]

Vono olona feno habibiana: raim-pianakaviana iray maty tapa-doha

Mirongatra ny tsy fandriam-pahalemana ao Belo Tsiribihina mpianaka roa lahy indray notafihan’ny jiolahy ny alin’ny alakamisy hifoha zoma lasa teo.  Vokany, notapahin’ireo olon-dratsy ny lohan’ilay raim-pianakaviana ary voatsatok’antsy ny lohan’ilay zanany lahy. Niasa tao Anteteza kaominina ambanivohitr’i Bemarivo ireo mpianaka roalahy ka voatery nijanona tao an-toerana mandrapiakatry ny voly nataony. Tao anatin’izay,  nanararaotra ny asa […]

Fampiharana ny « couvre feu » ao Toamasina : Solombavambahoka iray nanda tsy hivoaka ny trano fisotroana

Fampiharana ny « couvre feu » ao Toamasina : Solombavambahoka iray nanda tsy hivoaka ny trano fisotroana

Manoloana ny fepetra napetraky ny fitondram-panjakana entina hiadiana amin’ny fiparitahan’ny valanaretina coronavirus,  solombavambahoaka iray  nanda hivoaka ny trano fisotroana tao Toamasina, ny alakamisy 2 marsa lasa teo, tokony ho tamin’ny 9 ora sy sasany alina. Araky ny didy navoaka mahakasika ny tsy tokony hisian’ny fivarotana zava-pisotro mahamamo misokatra intsony, manomboka amin’ny 9 ora alina, tonga […]

Vovonan’ny sekoly tsy miankina: “Hanokatra ny sekoly amin’ny 19 avrily” 

Vovonan’ny sekoly tsy miankina: “Hanokatra ny sekoly amin’ny 19 avrily” 

Manaiky ny lamina apetraka ny sekoly tsy miankina satria aina no tandrovina nefa raha hanakatona varavaran-tsekoly, manokatra varavarana ho an’ny zavatra hafa… Nanambara ny Vovonan’ny sekoly tsy miankina manerana ny Nosy ahitana ny sekolim-pinoana sy ireo laika fa « hanokatra ny sekoly izy ireo manomboka amin’ny alatsinainy 19 avrily ary vonona ny hampihatra ny fepetra ara-pahasalamana […]

Tao anatin’ny telo volana monja… : mahatratra 213 ny isan’ny  zaza very teto an-dRenivohitra

Tao anatin’ny telo volana monja… : mahatratra 213 ny isan’ny  zaza very teto an-dRenivohitra

Nanomboka ny voalohan’ny taona 2021, tsy mitsaha-mitombo ny isan’ireo zaza very eto an-dRenivohitra. Tafakatra 213 sahady izany tao anatin’ny telo volana  monja, raha ny nambaran’ny eo anivon’ny polisy misahana ny zaza tsy ampy taona etsy Tsaralalàna… Ao anatin’izao krizy ara-pahasalamana izao, tsy mitsaha-mitombo ny isan’ ny ankizy very  aharaisan’ny eo anivon’ny polisy misahana ny zaza […]

Basikety-U15 Skills Challenge: ny roa voalohany no tafakatra

Basikety-U15 Skills Challenge: ny roa voalohany no tafakatra

Hotontosaina ny 24 sy 25 avrily izao ny fifaninanana “FIBA U15 Skills Challenge”, taranja basikety. Isan’ny firenena afrikanina mifaninana amin’izany i Madagasikara. Efa nisy rahateo ny fifantenana mpilalao nataon’ny federasiona hangalana izay mendrika handrafitra ny ekipam-pirenena malagasy, ny Ankoay. Raha ny fantatra, ekipa roa isaky ny vondrona ny hahazo ny tapakila hiatrehana ny dingana famaranana […]

Kitra – Orange Pro league: nomontsanin’ny Uscafoot 2 no ho 0 ny 3FB Toliara

Kitra – Orange Pro league: nomontsanin’ny Uscafoot 2 no ho 0 ny 3FB Toliara

Mitohy hatrany ny tsy fahombiazana ho an’ny ekipan’ny 3FB Toliara, ao anatin’ny fifaninanana Orange Pro league, taranja baolina kitra. Nomontsanin’ny Uscafoot tamin’ny isa 2 no ho 0 indray izy ireo, omaly, tao Fianarantsoa. Ity lalao nifanandrinan’ny Uscafoot sy 3FB ity ny namarana ny andro faha-12 amin’ny fifaninanana Orange Pro league ho an’ny kaonferansa Atsimo. Tsy […]

Singa navoakan’ny IPC: Be kolikoly indrindra maneran-tany i Madagasikara

Anisan’ny firenena 50 be kolikoly indrindra maneran-tany i Madagasikara, laharana faha-149 amin’ireo firenena 180 nalahatra tamin’ny 2020 momba ny IPC*. 2,5/10 ihany ny isa nomena an’i Madagasikara. Na izany aza, nisy fiovana kely ihany ny toeran’i Madagasikara. Raha amin’io laharana io, nahavita ezaka kely ihany i Madagasikara, indrindra fa momba ny lalàna hiadiana amin’ireo harena […]

Tsena amerikanina Covax: manome vaksiny ho fanohanana ny toekarena

Rahampitso 15 avrily, amin’ny 3 ora eto Madagasikara, ny hanokafan’i Etazonia ny famatsiam-bola ho an’ny tsena Covax AMC, ady amin’ny Covid-19. Fivoriana amina fifandraisan-davitra izany handraisana fepetra ny ady amin’ny valanaretina amin’ny alalan’ny vaksiny. Ny fahazoana vaksiny mahomby ady amin’ny Covid-19 maneran-tany no mampihena ny isan’ny olona mamoy ny ainy, sakana amin’ny fiparihan’ny valanaretina, indrindra […]

Filankevitry ny minisitra: hanatsara ny fiompiana omby ny fanjakana

Filankevitry ny minisitra: hanatsara ny fiompiana omby ny fanjakana

  Nandritra ny filankevitry ny minisitra ny 31 marsa 2021 teo, nanapa-kevitra ny fanjakana hanatsara ny fihariana fiompiana omby. Tapaka tamin’izany tetikasa izany ny famaritana hahafantarana mazava ny fiompiana omby  amina faritra efatra  lehibe malaza amin’ny omby : Anosy, Androy, Atsimo Andrefana, sy Ihorombe. Hisy atrikasa hatao momba izany  hiarahan’ny amin’ny mpiasam-panjakana, amin’ny herinandro ambony. Manohana […]

Serge Gpe: fifanarahana telo no rava vokatry ny covid-19

Serge Gpe: fifanarahana telo no rava vokatry ny covid-19

Miantraika mivantana amin’ny mpanakanto ny olana ateraky ny valanaretina coronavirus amin’izao fotoana. Ho an’ny tarika Serge Gpe manokana, fifanarahana telo be izao no rava tamin’ity indray mitoraka ity, ny famerenan-kira sy ny fandaminana isan-karazany anefa efa mipetrapetraka daholo, misy ny fandaniana ara-bola sy fotoana amin’izany satria miezaka manome ny tsara avy aminy ny mpanakanto. Araka […]

Cemdlac Analakely: efa vita hatramin’ny 90%, hiasa amin’ny volana jona

Cemdlac Analakely: efa vita hatramin’ny 90%, hiasa amin’ny volana jona

Mijanona ho toerana ho an’ny zavakanto sy ny kolontsaina hatrany ny etsy amin’ny Cemdlac Analakely, na ny Galérie 6 taloha. Nohavaozina ho tsara kokoa ny foto-drafitrasa, hamaliana ny hetahetan’ireo mpisehatra… Volana vitsivitsy lasa izay, nafindra toerana ireo birao etsy amin’ny Cemdlac Analakely (Galérie 6 taloha). Nahitana ny Cemdlac, ny Ofnac ary ny Lovako,izay samy rantsa-mangaikan’ny […]

Fifampitsabahana eo amin’ny fahefana: notebahin’ny KMF/Cnoe ny minisiteran’ny Fitsarana

Mba tsy ho takon’ny covid-19 kosa ny raharaha tahaka itony? “Tsy voahaja ny Lalàmpanorenana, manoloana ny taratasy tsotra nalefan’ny minisitry ny Fitsarana any amin’ny minisiteran’ny Atitany, mangataka ny fampiatoana ny fanatanterahana ny didy navoakan’ny filankevi-panjakana, ny 30 marsa teo”, hoy izy. Anisan’ny votoatin’izany ny fanafoanana ny fanapahana  navoakan’ny fitsarana misahana ny ady amin’ny  fanjakana  any […]

Antenimierampirenena: lavon’ny covid-19 ny depiote Andriano Giscard

Nodimandry, omaly ny solombavambahoaka voafidy tao Manakara, i Andriano Giscard, araka ny fampitam-baovaon’ny eo anivon’ny Antenimierampirenena. Voalaza fa efa salama nivoaka ny hopitaly teny amin’ny CHU Anosiala nitsaboana azy ny tenany nefa izao nindaosin’ny fahafatesana tampoka izao rehefa nifindra toeram-pitsaboana tsy miankina iray eto an-dRenivohitra. Nandalo dingana politika… Anisan’ireo mpanao politika nandalo dingana maro teo […]

Valanaretina hafa koa… mahavoa

Valanaretina hafa koa… mahavoa

Mahery vaika ny valanaretina Covid-19 andiany faharoa na ny karazany avy atsy Afrika Atsimo amin’izao, haingam-pifindra, malaky tonga amin’ny fahasarotana ny marary. Tsy vitan’izay, mamitaka ny aretina. Ao ny marary misy soritr’aretina, nefa tsy ahitana tsimokaretina nony anaovana fitiliana. Na ny mifamadika amin’izay: tsy misy soritr’aretina, nefa mitondra tsimokaretina rehefa anaovana fitiliana. Amin’izany, misaritaka be […]

Tafakatra 9 ny maty, 5 naratra mafy…: nisotro toaka “nanala lolo”, mamo ilay mpamily

Tafakatra 9 ny maty, 5 naratra mafy…: nisotro toaka “nanala lolo”, mamo ilay mpamily

“Fahamamoana eo am-pamiliana” (conduite en état d’ivresse). Izay, araka ny fanadihadiana nataon’ny manampahefana nizaha ny zava-nitranga teny an-toerana no fototr’ilay lozam-pifamoivizana nahatsiravina, namoizana ain’olona sivy, nitranga teny amin’ny lalana By-Pass, afakomaly alina. Hoe “nanala lolo” ilay mpamily.  Tranga tsy nampoizina. Fahoriana misesisesy no iainan’ny fianakavian-dramatoa Stella tao anatin’ny andro vitsy. Vao avy nanotrona ny fianakaviany […]

Tselatra

Nidoboka am-ponja omaly ireo sivy mianadahy voasambotra tamin’ny raharaha fitokononana tetsy Analakely nokasain’ny antoko mpanohitra natao ny 20 febroary lasa teo. Samy misazy 3 volana an-trano maizina avokoa izy sivy ireo raha toa afaka madiodio ny telo hafa . Tovolahy iray mpanao sinto-mahery teny amin’ny faritra Ankazomanga sy ny manodidina no vosambotry ny polisy teo […]

Tanjombato: sesilany ny asan-jiolahy, telo lahy saron’ny polisy

Saron’ny polisy ao amin’ny kaomisarian’i Tanjombato, omaly maraina, ny telo tamin’ireo jiolahy tompon’antoka tamina fanafihana mitam-piadiana nisesy amin’iny faritra Tanjombato hatrany Andoharanofotsy iny. Maro ireo olona mitaraina amin’ny afitsok’ireo jiolahy, saika ho isan’andro izany, araka ny fijoroana nataon’ireo olona lasibatra. Raha ny loharanom-baovao voaray, nanomboka ny talata hatramin’ny alakamisy teo, nisy asan-jiolahy mitam-piadiana niseho tao […]

CTC Mahamasina: hatsangana ny sehatra handrindra ny ady amin’ny Covid-19

Manoloana ny asa tanterahin’ireo miaramila mpitsabo sy ireo mpanampy rehetra, tonga nankahery azy ireo ny minisitry ny Fiarovam-pirenena (MDN), ny Jly Rakotonirina Richard, omaly hariva. Nambaran’ity manamboninahitra ity fa zava-dehibe ho an’ny vahoaka malagasy ny fitsaboana tanterahina ao amin’ity toeram-pitsaboana vonjimaika ao Mahamasina ity. “Ady amin’ny fahavalo tsy hita maso no atrehin’ny firenena ka tsy […]

 Antsirabe: dimy mianadahy tra-tehaka niaraka tamin’ny rongony 52 kg

Anisan’ny mpamatsy sy mpanaparitaka rongony ireo dimy mianadahy voasambotry ny zandary tao  amin’ny tanànan’Andranomaimbo ao Antsirabe, afakomaly maraina. Efa ela no naharay fitarainana ny teo anivon’ny zandarimariam-pirenena tao amin’ny Borigady Andranomadio ka nandrafitra paikady entina hisamborana ireo olon-dratsy. Voatonona anarana voalohany tamin’io raharaha famatsiana rongony io ny tovolahy roa fantatra tamin’ny anarana hoe Andry sy […]

Covid-19: 22 ny tranga vaovao, enina lavon’ny aretina

Nahatratra 224 ny tranga vaovao tamin’ny fitiliana 800 natao, ho an’ny antontanisa ny 12 avrily lasa teo. Sitrana ny marary 305 ary olona enina namoy ny ainy. Amin’izao fotoana izao, manaraka fitsaboana ny marary 3837 ka ao anatin’ny tranga misy fahasarotana ny 288 amin’ireo. Ho an’ny tranga vaovao, teto Analamanga 149, tany Diana 10, Matsiatra […]