Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
    Préc Suiv

    Gadra nitsoaka tao Betroka: mpandraharaha fonja iray naiditra am-ponja

    Gadra nitsoaka tao Betroka: mpandraharaha fonja iray naiditra am-ponja

    Nampidirina am-ponja vonjimaika ao amin’ny fonjan’i Betroka sady naato amin’ny asa maha mpandraharaha fonja ny iray voarohirohy amin’ny fanomezan-dalana ny famoahana ireo voafonja telo lahy ny 16 jolay teo.

    Natsahatra amin’ny asany amin’ny maha mpandraharaha fonja kosa ny iray hafa. Ireo ny tapaka taorian’ny fanadihadiana ny raharaha. Mbola mitohy hatramin’izao ihany koa ny fikarohana ireo gadra nanararaotra nitsoaka tamin’ny asa nataony ivelan’ny fonja.

    Tsiahivina fa voaheloka mandra-pahafaty noho ny raharaha famonoana nahafaty solombavambahoaka teo aloha tao Amboasary Atsimo i Sambo Francois, i Mara Fegnona ary Ratalata Philbert, ny taona 2013 tao Tsivory.

    Herinandro vitsy lasa izay, navoaka ny fonja hanatanteraka asa ivelan’ny fonja izy telo lahy ireo. Teo am-panatanterahana izany anefa, nanararaotra nandositra ireto farany ary mbola tsy hita hatramin’izao. Manoloana ny tranga, nahetsika avokoa ireo mpitandro filaminana ao Betroka, nohamafisina ihany koa ny fiambenana ny fonja.

     

    Henintsoa Hani

    Les commentaires sont fermées.