Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Filoha Rajoelina Andry tao Fianarantsoa: « Haato aloha ny fampidirana mpiasam-panjakana amin’ny sehatra hafa… »

Filoha Rajoelina Andry tao Fianarantsoa: « Haato aloha ny fampidirana mpiasam-panjakana amin’ny sehatra hafa… »

Hentitra ny filoha Rajoelina Andry, manoloana izao fiatrehana ny ady amin’ny Covid-19 izao. Anisan’izany ny momba ny fampidirana ho mpiasam-panjakana. Noferana izany manomboka izao aloha.

Nanapa-kevitra ny filoha fa miato, manomboka izao, ny fampidirana ho mpiasam-panjakana amin’ny sehatra hafa. “Ho lohalaharana kosa ny fandraisana mpiasam-panjakana amin’ny sehatry ny fahasalamam-bahoaka, ny fampianarana sy ny mpitandro filaminana”, hoy izy. Nolavin’ny filoha, araka izany, ny fangatahana fampidirana ho mpiasam-panjakana miisa 240 tao amin’ny fiadidian’ny Repoblika.

Hampitomboana ny tetibolan’ny minisiteran’ny Fahasalamana

Nohitsiny fa hafantoka bebe kokoa amin’ny fandraisana ho mpiasam-panjakana ny eo anivon’ny Paramed, ny mpitsabo sy ireo mpampianatra Fram, ny fandraisana mpiasam-panjakana, araka ny nambarany. “Hampitomboina ihany koa ny tetibola ho an’ny minisiteran’ny Fahasalamam-bahoaka”, hoy izy.

Namarana ny fitsidiham-paritra nataon’ny filoha Rajoelina Andry tany Fianarantsoa ny fanolorana amin’ny fomba ofisialy ny lohamasinina miisa telo sy “wagon” entina hamelomana ny fitaterana an-dalamby Fianarantsoa – Côte Est (FCE).

Fizahantany sy ny zotra an-dalamby FCE

Efa fampanantenana nataon’ny filoha tamin’ny vahoaka ny faritra Matsiatra Ambony sy i Manakara ao anatin’i Vatovavy Fitovinany ny famerenana ny zotra. “Ankoatra ny fitaterana, ahafahana mampiroborobo ny fizahantany ny famerenana ny zotra”, hoy ny filoha. Nitaingina avy hatrany ny lamasinina ny filoham-pirenena ho fanamarihana ny fanolorana izany lohamasinina izany. Tsy vitan’izany fa mbola hisy koa ny “wagon” hafa ho tonga araka ny nampanantenainy.

Fianakaviana hisitraka 50 000 Ar isam-bolana

Etsy andaniny, nanokatra tamin’ny fomba ofisialy ny tetikasa “Ankohonanana miarina” iarahana amin’ny Fid ny filoha nandritra ny diany tany an-toerana. Miisa 10 307 ireo hisitraka izany fanampiana vola 50 000 Ar izany isam-bolana mandritry ny enim-bolana. Hahazo izany ihany koa ny ao amin’ny distrikan’i Lalangina, ahitana tokantrano 4 753 tafiditra amin’ny tetikasa.

Synèse R.

Les commentaires sont fermées.