Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Nitohy ny savorovoro tao amin’ny oniversite Manindany: nirefotra ny lakrimozenina, olona roa voasambotra

Nitohy ny savorovoro tao amin’ny oniversite Manindany: nirefotra ny lakrimozenina, olona roa voasambotra

Tsy mbola milamina tanteraka ny olan’ny mpianatra ao amin’ny oniversiten’i Maninday Toliara. Nirefotra indray ny baomba mandatsa-dranomaso, omaly. Nodoran’ny mpianatra ny “pylône” an’ny Telma…

Raha fifandonana teo amin’ny samy mpianatra no niseho, afakomaly, savorovoro nifanandrinana tamin’ny mpitandro filaminana indray ny nintranga, omaly, tao amin’ny oniversiten’i Maninday To­liara. Nikasa hanakan-dalana amin’ny lalam-pirenena faha­fito izy ireo ka niditra an-tsehatra handrava izany ny mpitandro filaminana. Raikitra ny fandefasana baomba man­datsa-dranomaso hanaparitahana ireo mpianatra mito­kona ary nasain’ny mpitandro filaminana niditra tany amin’ny toeram-pianarana ao Maninday izy ireo. Nihe­vitra ireo mpitandro filaminana fa nilamina ny raharaha, saingy tsy izay anefa no nitranga fa naneho ny hatezerany ireo mpianatra ka nandoro ny « pylône » an’ny Telma eo akaikin’ny oniversite Maninday. Niverina nandamina ny raharaha indray ny mpitandro filaminana ary niantso ny mpamonjy voina avy ao Toliara mba hamono ny afo. Voafehy ny afo ary lasa ireo tomponandraikitra. Nanohy ny herisetrany in­dray anefa ireo mpianatra ka niverina nanao ny fandaminana ny avy amin’ny mpitandro filaminana. Taorian’ ny fifanjevoana, olona roa nirondra sakaosy feno vato no voasambotra, araka ny vaovao avy any an-toerana. Tsy nisy kosa ny fisambo­rana nataon’ny mpitandro filaminana, araka ny fampitam-baovao nataon’izy ireo.
Hivoaka amin’ity herinandro ity tetiandro
Raha tsiahivina, fitakiana vatsim-pianarana efa-bolana sy fampitaovana no anton’ny fitokonan’ireto mpianatra ireo. Efa nisy anefa ny fandraisana andraikitra avy amin’ny mpitantana ny oniversite amin’ny hanefana izany. Araka ny nambaran’ ny filohan’ny oniversite, ny alalamisy teo, taorian’ny savorovoron’ny samy mpianatra dia hivoaka amin’io he­rinandro ho avy io ny teti­andro hanomezana ny va­tsim-pianaran’ ireo mpianatra. Misokatra amin’ny fi­fampiresahana ihany koa ny fiadidiana ny oniversite, araka ny nambarany ihany. Ho hita eo, araka izany, izay ho tohin’ity hetsiky ny mpianatra ao amin’ny oniversi­ten’i Maninday ity.

CMS sy Andry F.

Les commentaires sont fermées.