Mpisinto-mahery tetsy Ankadifotsy

Tovolahy iray mpanao sinto-mahery sy mpangarom-paosy eny amin’ny manodidina an’Antanimena sy Ankadifotsy no voasambotry ny CSP III tetsy amin’ny tetezan’Ankadifotsy, omaly antaondro. Naiditra eny Antanimora avy hatrany io tontakely io taorian’ny fisamborana.

Fanafihana tao Ambanja

Voasambotra, omaly, tao Ambanja ilay  namono  ny  Tale jeneralin’ny Ivontoeram-pirenena momba ny antontanisa  teo aloha, Ravelomanantsoa Paul Gérard. Mbola nahatsiaro tena  ity tale teo aloha ity taorian’ny fotoana nidarohan’ny jiolahy azy, ny alin’ny 19 febroary teo  ka notsaboina. Tsy tana anefa ny ainy ka nodimandry ny talata 23 febroary teo ny tenany.