Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fiakaran’ny rano, fihotsahan’ny tany: Iray maty, iray hafa naratra, 788 traboina

Fiakaran’ny rano, fihotsahan’ny tany: Iray maty, iray hafa naratra, 788 traboina

Ankoatra ilay ramatoa naratra, nianjeran’ny trano teny Manjakamiadana, vehivavy iray hafa koa namoy ny ainy, nirodanan’ny trano fonenany, teny Ambolonkandrina. Ho an’Antananarivo Renivohitra, mahatratra 788 izao ireo traboina noho ny fiakaran’ny rano… 

Iria-maha ory ny orana ! Tsy mitsaha-mitombo ny voka-dratsy ateraky ny rotsak’orana tato ho ato. Isan’ny lasibatra voalohany amin’izany ny eto amin’ny faritan’Antananarivo renivohitra. Olona iray no namoy ny ainy ary mahatratra 801 ireo tra-boina amin’izao fotoana. Ny 788 tamin’ireo olona ireo izay voatery nafindra monina vonjimaika. Ho an’Antananarivo Atsimondrano, manampy trotraka ny  fahasahiranan’ny mponina, ny fiakaran’ny rano. Voatery mamonjy toerana avo sy mifindra amin’ny fianakaviany ny mponina sasany. Ireo tsy misy aleha kosa, miandry ny fanampian’ny fitondram-panjakana no hany fanantenany.

Etsy an-kilany,voatery mifindra monina eny amin’ny  toerana iva ny ankamaroan’ny  mponina anatin’ny Boriboritany faharoa sy ny manodidina. Manoloana ny fisian’ny fihotsahan’ny tany eny amin’ny manodidina, tsy maintsy nandray andraikitra mialoha ny teo anivon’ny BNGRC. Tafakatra 13 ireo olona tsy manan-kialofana eny an-toerana ary trano miisa roa no simba tanteraka. Manampy trotraka ny fahafatesan’olona, vao niseho andro vitsy lasa tetsy Ambolokandrina sy ny faharatrana renim-pianakaviana iray tetsy Antsahondra Manjakamiadana. Manamarika iny faritra avo iny ny fihotsahan’ny tany rehefa fotoam-pahavaratra tahaka izao.

Vatobe milanja 100 taonina nihotsaka teny Andralanitra…

Nambaran’ny teo anivon’ny BNGRC hatrany fa vatobe nahina ho nihotsaka tamin’ny roa taona lasa no nihotsaka omaly antoandro teny amin’ny fokontany Tsarahasina Vohitra atsinanan’Andralanitra, kaominina ambanivohitr’Ambohimangakely. Araka ny tombantombana nampitain’ny BNGRC, milanja eo amin’ny 100 taonina eo ho eo ity vato ity. ny ora-mikija tato ho ato no nahatonga izany. Voalaza fa toeram-pitrandraham-bato ilay toerana  satria misy mpamaky vato. Tsy nisy kosa ny maty na naratra na zavatra simba vokatry ny fihotsahana. Mandeha, araka izany, ny fanentanana ataon’ny BNGRC amin’ireo mponina manodidina eny an-toerana mba hifindra toeran-kafa. Olona miisa 291 sy trano 41 no tandindomin-doza amin’izao fotoana izao.

Tsiferana R. / J.C

Les commentaires sont fermées.