Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

KMF/Cnoe: « Aoka ho hentitra amin’ny fampananjana ireo fepetra »

KMF/Cnoe: « Aoka ho hentitra amin’ny fampananjana ireo fepetra »

Namoaka fanambarana ny eo anivon’ny KFM/Cnoe, ny faran’ny herinandro teo, manoloana ny ady atao amin’ny Coronavirus. « Aoka ho hentitra tanteraka ireo tompon’andraikitra isan’ambaratongany amin’ny fampiharana sy ny fampanajana ireo fepetra fiarovana ho an’ny olom-pirenena mpitondra sy ny olom-pirenena entina », hoy izy ireo.

Fampidinana ny vidin-tsolika

Takin’izy ireo koa ny hanamaivanana ny olana sosialy ka sokafana kokoa ny ora fiasana ho an’ireo asa afaka manaja tanteraka ny fepetra. « Hampidinina ny vesatry ny vidim-piainana amin’ny alalan’ny fijerena manokana ny vidin-tsolika, indrindra manoloana ny fidinan’ny vidin’izany eo amin’ny iraisam-pirenena », hoy ny KMF/Cnoe. Nohitsin’izy ireo koa fa tokony hatao vaindohan-draharaha ny dengue sy ny tazomoka, efa namoizana ain’olona maro.

Tsindry sy fihantsian’i Frantsa

Etsy andaniny, tokony homanina dieny izao ny drafitra fanomezana aina sy ny fanarenana ny seha-pihariana rehetra.

Nialoha ireo, niantso firaisankina manoloana ny tsindry manoloana ireo firenen-dehibe. Tafiditra ao anatin’izany ny fihantsiana ataon’i Frantsa amin’ny fikasany hametraka valan-javaboahary amin’ireo Nosy manodidina.

Synèse R.

 

Les commentaires sont fermées.