Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fambolena biolojika: mamelona tantsaha miisa 48.000

Fambolena biolojika: mamelona tantsaha miisa 48.000

Mitondra tombontsoa ara-toekarena eto an-toerana sy ny varotra ivelany ho an’i Madagasikara ny fananana lalàna mazava mifehy ny fambolena biolojika. Manome antoka ny mpamboly sy ny mpandraharaha ihany koa.

Nankatoavin’ny solombavambahoaka, tsy nisy nitsipaka, ny talata 12 mey teo, ny volavolan-dalàna mamaritra ny fambolena biolojika. Nambaran’ny minisitry ny Fambolena, Ranarivelo Lucien, fa hitondra ainga vao hampiroborobo bebe kokoa ny sehatry ny fambolena, indrindra ny tsy fampiasana akora simika, biolojika ity lalàna ity. Antony, maro ireo mitonona na milaza fa mamboly biolojika, nefa tsy nisy ny rafitra sy ny lalàna tena namaritra azy ireny, ary ao anatin’izany ny fanomezan-danja azy, mampiakatra ny kalitao sy ny vidin’ny vokatra.

Mamboly vary indroa isan-taona

Manodidina ny 48.000 ny tantsaha malagasy mivelona aminy, ary mitentina 110 miliara dolara ny tombambidin’ny vola tokony haterany. Nilaza ny depiote voafidy tanyAntsiranana II, fa anisan’ny efa tena mampiasa ny fomba fambolena tsy mampiasa akora simika, toy ny zezika sy ny fanafodim-biby, ny tantsaha any avaratry ny Nosy any amin’ny distrika Antsiranana II. Mahavokatra anefa ny tany, ary afaka mamboly vary indroa isan-taona ny tantsaha anaty rano sy ny vary an-tanety eny amin’ny baiboho. Maherin’ny 7.000 ny tantsaha mivelona aminy.

Efa hatramin’ny taona 1980 no namantarana ny fambolena biolojika teto amintsika.

Manodidina ny 140 ny orinasa mivondrona ao anatin’ny Sendikà Malagasy misehatra amin’ny fambolena biolojika (Symabio), niara-namolavola tamin’ny minisiteran’ny Fambolena ity volavolan-dalàna ity. Anisan’ny voly atao ny vary, ny legioma, ny voankazo, ny zavamaniry fakana ilomenaka, sns.

Njaka Andriantefiarinesy

Les commentaires sont fermées.