Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Ampanihy Andrefana: tratra ny henan-tsokatra 350 kilao sy ny sokatra fito

Ampanihy Andrefana: tratra ny henan-tsokatra 350 kilao sy ny sokatra fito

Araka ny loharanom-baovao avy any amin’ny kaompania zandarimaria Ampanihy Andrefana, tratra ny alarobia 5 febroary teo, tany Antranoavo, kaominina Androhipano, distrika Ampanihy Andrefana, faritra Atsimo Andrefana, ny henan-tsokatra nohamainina, milanja 350 kilao, natao tanaty gony miisa 14, sy ny sokatra velona miisa fito. Karazan-tsokatra “radiata”, tsy fahita raha tsy eto Madagasikara, ireto tratra ireto, izay voararan’ny lalàna ny fihazana, ny fakana ary ny fivarotana azy. Tsy hita ireo olon-dratsy nanao ity heloka ity.

Olona tsara sitrapo no nanao fanairana ny zandary, niaraka amin’ny Madagascar National Park (MNP) sy ny fikambanana iraisam-pirenena WWF. Nodorana ny 10 febroary teo ireo henan-tsokatra, hiarovana ny fahasalamam-bahoaka. Noraisin’ny lehiben’ny sampandraharahan’ny Tontolo iainana an-tanana kosa ny fitantanana ireo sokatra velona, mialoha ny hamerenana azy ireo any amin’ny toerana tokony hasiana azy.

Njaka A.

Les commentaires sont fermées.