Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

An-kitsim-po: sakana ny tsy fisian’ny herinaratra

Eo amin’ny vaovao eran-tany (etsy an-kilany), betsaka ihany ireo firenena afrikanina sahirana amin’ny famatsiana herinaratra, angovo amin’ny ankapobeny. Anisan’ny iharan’izany mafy eto Madagasikara, any amin’ny faritra maro, indrindra ny any amin’ny kaominina ambanivohitra. Misy ihany ny vahaolana efa noraisina, ataon’ny fitondrana teo aloha sy ankehitriny, saingy mbola tsy mahavaha olana izany amin’ny ankapobeny. 15 % ihany, raha be indrindra, ny tambajotra misy herinaratra manerana ny Nosy.

Io no sakana lehibe amin’ny fampandrosoana eto amin’ny Nosy. Singa iray zahan’ireo mpampiasa vola sy mpandraharaha, avy eto an-toerana sy any ivelany, ka sakana ho azy ireo tsy hanitatra ny fihariana any amin’ny faritra, indrindra ny any amin’ireo kaominina ambanivohitra. Amin’izao taonjato izao, sarotra ny fanatanterahana ny asa fampandrosoana raha tsy misy ny famatsiana herinaratra ho an’ny sehatra rehetra : ny asa fihariana ; ny sosialy, toy ny fitsaboana sy ny fampianarana. Raha ny fampianarana, ohatra, vitsy ny ahitana famatsiana herinaratra any amin’ireo sekolim-panjakana na amin’ny tanàn-dehibe aza. Sakana iray tsy afahan’ny ankizy manitatra ny fahalalana izany.

Sokajina anisan’ny laharam-pahamehana ny famatsiana herinaratra eto Madagasikara, saingy betsaka ny sakana any amin’ny faritra isanisany. Sarotra antenaina ny Jirama raha ny zava-misy ankehitriny, raha ny fanazavan’ny teknisianina maromaro ao aminy ihany.

 

M.C

 

Laisser une réponse

Votre adresse email ne sera pas rendue publique