Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fitsidihana apostolika: maniry fitoniana ny mpino silamo nihaona tamin’ny Papa

Fitsidihana apostolika: maniry fitoniana ny mpino silamo nihaona tamin’ny Papa

Tohin’ny fihaonana teo amin’ny finoana roa tonta teo aloha natao tany ivelany ny teny Mahazana.  Nifandray tanana sy nifampiresaka tamin’ny Papa Fransoa ihany koa ny lehibem-pivavahana avy amin’ny finoana silamo, ny alahady tolakandro teo.

Midika ho fandriampahalemana ny fihaonana ary miandrandra izany izahay. Afaka miray hina  ary miandrandra fihavanana sy firaisankina ho fanatsarana ny fiarahamonina eo amin’ny kristianina sy ny avy amin’ny silamo”, hoy  ireto mpitari-pivavahana avy amin’ny finoana silamo ireto. Efa nisy rahateo ny fihaonana teo amin’ny mpitarika ny mpino silamo, tamin’ny alalan’ny Imam Al Azhar sy i Ahmad Al-Tayeb, ny 23 mey 2016. Anjaran’ny teto Madagsikara indray izany tamin’izao dian’ny Papa Fransoa teto amintsika  izao.

 Nanafatrafatra ireo eveka ny Papa Fransoa

Ankoatra izany,  nanafatrafatra ny eo anivon’ny Fivondronamben’ny eveka (Fem) koa ny Ray Masina, ny asabotsy hariva teo  teny Andohalo. Notsiahiviny fa tokony hisy fifanatonana eo amin’ny finoana sy ny mahantra. “Aza hadinoina izy ireny. Manana adidy sy fifandraisana amin’ireny ianareo. Anisan’izany ny ankizy  sy ireo marefo ary ireo fadiranovana na koa iharan’ny tsindrihazolena” , hoy izy.

Ny filoha teo aloha,  Ravalomanana

Etsy an-daniny, anisan’ny nandray tanana sy nitafa fohy tamin’ny Papa Fransoa koa ny filoha teo aloha, Ravalomanana mivady. Notsiahivin’ny vadin’ny ben’ny Tanàna tamin’izany ny taratasy nalefany tany Vatikana manoloana ny fiainam-pirenena. “Voarainy izany ary fantany fa mafana fo sy tia fihavanana isika… Mahafantatra tsara koa ny Papa Fransoa  fa ilaina ny fifampiresahana sy fifanatonana  satria tena sahirana ny Malagasy… Enga anie mba hitondra soa eto amin’ny firenena ny  fihavanana notoriany”, hoy ny filoha teo aloha, Ravalomanana.

Synèse R.

 

Laisser une réponse

Votre adresse email ne sera pas rendue publique