Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Hafatry ny kardinaly  – Fanamasinana eveka: “Aoka ho mendrika amin’ny andraikitra nomena…”

Hafatry ny kardinaly  – Fanamasinana eveka: “Aoka ho mendrika amin’ny andraikitra nomena…”

Niampy  iray indray ny evekan’i Madagasikara.  Nanafatrafatra ny mpino sy ny vahoaka ny kardinaly Tsarahazana Desiré, tetsy Mahamasina, omaly. Nitodika amin’ny eveka mpanampy  vaovao,  ny Mgr Andriantsoavina Jean Pascal ny tenany nefa koa nanipy teny ho an’ny vahoaka  sy ny mpitondra.  “Aoka ho mendrika amin’ny andraikitra  nomena  sy hanana finoanaMisongadina amin’ny  hafatr’i Jesoa ny fanompoana.  Tokony hiaina izany isika.  Fanompoana  tsy izy no ataontsika ka anisan’ny mahatonga  ny  fahantrana  sy ny fahasahiranana izany. Tsy mahazaka fahoriana ny hafa… Tsy mifanompo… Zava-poana  raha tsy manompo an’Andriamanitra sy ny namana  isika  ary  arahina vavaka  izany,  araka ny hiram-pirenentsika…”, hoy izy.

Mendrika amin’ny fanendrena…

Nanontany tamin’ny fampianarany  ny kardinaly Tsarahazana ny amin’ny maha mendrika  na  tsia ny fanendrena ny tena. Amin’ny andraikitra rehetra io. Niaiky ny  tenany  fa misy ihany ny ahiahy, saingy misava izany rehefa  eo ny  finoana. Notsiahiviny rahateo ny teny fanevan’ny eveka vaovao eto amin’ny  arsidiosezin’Antananarivo  : “Tompo o !  ianao no itokiko”.

Nialoha izany ny namakian’ny solontenan’ny Vatikana eto amintsika, ny Mgr Paolo Rocco G. ny  taratasy amin’ny teny latinina  ny fanendrena nataon’ny  papa  François ny eveka mpanampy,  Andriantsoavina ny  8 jolay  teo. Niroso tamin’ny  fametrahan-tanana  sy  fanamasinana azy, avy eo, ny eveka telo  isany  : Tsarahazana  Desiré sy  Razanakolona Odon ary Ranaivomanana  Phillipe.  Natao ny fanosorana menaka sy fametrahana ny bokin’ny evanjely teo an-dohany ary koa ny fampidirana  ny peratra. Nitohy tamin’ny fanomezana ny satroka izany ary koa nampiambozona azy ny lakroa.

Nampihaonin’ny fanamasinana  ny filoha amperinasa sy ny  teo aloha

Narahin’ny fanomezana tehina, mariky ny  maha mpiandry ondry. Nentina fiara nihodidina ny kianjan’i Mahamasina  avy eo  ny eveka mpanampy vaovao,  notronin’ny Mgr Razanakolona  Odona,  ho mpiara-miasa aminy  eto amin’ny diosezin’Antananarivo.

Niatrika izany ny filoha Rajoelina sy ny eo anivon’ny fitondram-panjakana ary koa ny ben’ny Tanànan’Antananarivo,  Ravalomanana Lalao mivady. Samy nankasitrahana  avokoa  izy ireo tamin’ny  lahateny nifandimbiasana  noho ny  fanohanana sy  fanampiana tamin’ny  hetsika natao,  omaly. Fa eo  koa  ny handraisana ny papa François, afaka iray volana  latsaka. Mbola  hifamotoana  eny Amboara, Ambohidratrimo indray ny mpino katolika, ny 25 aogositra izao amin’ny  fanamasinana pretra sy diakra.

 Synèse R. /  Tiana  

Teraka  ny 24 marsa 1969, izany hoe 50 taona ny eveka mpanampy Andriantsoavina  Jean Pascal. Nohamasinina ho pretra, ny aogositra 2000. Ray mpiahy ny tanora sy ny FET ny tenany. Nandranto fianarana tany ampita avy eo ary nahazo ny mari-pahaizana ambony momba ny soratra Masina. Nampianatra ny fandalinana ny filozofia tao  amin’ny seminera Antsirabe . 11 taona ny naha rektoran’ny fanofanana pretra azy tany Vakinankaratra. Nitondra ny distrikan’i Imerinafovoany izy mialoha izao  fanendrena izao.

 

 

Laisser une réponse

Votre adresse email ne sera pas rendue publique