Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Ambohitsilaozana: fambolena tsy misy akora simika

Nampiharina any amin’ny kaominina Ambohitsilaozana, distrikan’Ambatondrazaka, ny teknika fambolena hialana miandalana amin’ny fampiasana akora simika (agro-écologique). Tafiditra ao anatin’ny tetikasa fanatsarana ny vokatry ny fambolena (Papam)* izany, iarahana amina vondrona sy fikambanana mpikaroka  maromaro (GSDM)*. Fifanakalozana traikefa momba izany ny « Vala tahaka », velaran-tany anaovana ny fambolena.

Tsy voafetra ny velaran-tany fa izay ananan’ny tantsaha ihany no ezahina volena hamokarana betsaka sy tsara kalitao. Teknika mivelatra ny tsy fampiasana akora simika sady fiarovana ny tontolo iainana, fiarovana ny fahasalamana. Azo anaovana izany ny fiompiana, ny fambolen-kazo, ny voly avotra, ny zezi-pahitra, sns. Ahitan’ny tantsaha tombony ny fanaovana azy, araka ny fanadihadiana nataon’ireo mpikaroka ao amin’ny GSDM. Samy manamarina izany izay mpamboly nanontaniana: mitombo sy mihatsara ny vokatra.

Anisan’ny manohana ny tetikasa ny AFD (Agence française de développement) mahita sy mahatsapa ny fahavoazana mahazo ny tantsaha sy ny fiantraikany eo amin’ny toekarem-pirenena: tsy ampy ny vokatra, raha tsy hilaza afa-tsy ny vary, voatery manafatra isan-taona. Mbola ny vahiny ihany eto, ny Frantsay, ny mamatsy vola ho fampandrosoana ny fambolena, toy Bad manajary ny lemaka Bas Mangoky.

R.Mathieu

 

Papam* : Projet amélioration de la productivité agricole à Madagascar

GSDM* : Groupement semis direct Madagascar 

 

Les commentaires sont fermées.