Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

 “Can 2019”: hahazo 1.500.000 dôlara ny Barea raha mandresy an’i Tonizia

 “Can 2019”: hahazo 1.500.000 dôlara ny Barea raha mandresy an’i Tonizia

Efa fantatra avokoa, ny tambin-kasasarana “primes”, homen’ny Kaonfederasiona Afrikanina baolina kitra (Caf), ho an’ireo ekipa tamin’ity fiadiana ny ho tompondakan’i Afrika, ity. Hatreto, efa nahazo 800.000 dôlara, ny Barea de Madagascar, ary mbola hahazo 1 500 000 dolara na enina miliara  ariary mahery, raha mandresy an’i Tonizia eo.

Araka ny vaovao, nivoaka omaly, tao anaty tambanjotran-tserasera, dia nampahafantarin’ny Caf, ho an’ireo ekipa rehetra nandray anjara, tamin’ity “Can 2019” ity, ny “prime”, homena azy ireo. Raha ho an’ny Barea de Madagascar, manokana, efa nahazo 800.000 dôlara izy ireo, noho ny nahatafita azy, teo amin’ny dingana ampahefa-dalana. Mbola hiakatra, 1.500.000 dôlara izany, raha mandresy an’i Tonizia, rahampitso alakamisy. Ry zareo Tonizianina, ekipa azon’ny Barea, resena tsara araka ny fahitan’ireo teknisianina sy ny mpanao gazety, avy any ivelany azy. Lasa, 2.000.000 dôlara io “prime” io, raha tonga eo amin’ny famaranana ny Barea ary tafakatra 4.000.000 dôlara izany raha toa ka mandrombaka ny amboaran’i Afrika, ny Barea de Madagascar.

Mbola lavitra anefa ny lalana hahazoana izany, hatreto fa mila ezaka goavana. Raha tsiahivina, efa niatrika ny fanomanantena ny Barea, nanomboka omaly talata taorian’ny fialan-tsasatra, nomena ireo mpilalao ny alatsinainy, lasa teo. Tsiahivina fa ao amin’ny kianja Cairo Stadium, no hanatontosana ny lalaon’ny roa tonta, rahampitso alakamisy, manomboka amin’ny 10 ora alina.

10 tapitrisa ariary isaky ny baolina maty

Ny talata lasa teo, niatrika ny fiofanana momba ny “arbitrage video” (Var), hiasa manomboka amin’ity ampahefa-dalana ity, ireo mpilalaon’ny Barea, rehetra mba tsy hanavao, amin’izany. Toy izao, àry ny fandaharan-dalao eo amin’ny dingana ampahefa-dalana, hatao anio alarobia 10 sy rahampitso alakamisy 11 jolay, ho avy izao.

Tsiahivina fa efa nahazo vola 10 tapitrisa ariary avy amin’ny mpanohana isaky ny baolina maty ireo mpilalaon’ny Barea.  Hatreto, nahatafiditra 11 izy ireo.  Izany hoe efa nahazo 110 tapitrisa ariary izy ireo mialoha izao dingan’ny ampahefa-dalana izao… Mbola hisy mpanohana hafa koa hanome  tambiny azy ireo.

Tompondaka

 

Alarobia 10 jolay

Kianja 30 jona

07:00 hariva – Sénégal # Bénin

Kianja iraisam-pirenena Le Caire

10 :00 alina – Nizeria # Afrika Atsimo

Alakamisy 11 jolay

Kianja New Suez Stadium

07:00 hariva – Côte d’Ivoire # Alzeria

Kianja Akademia Miaramila Le Caire

10 :00 alina – Barea # Tonizia

Laisser une réponse

Votre adresse email ne sera pas rendue publique