Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Toamasina: nijery ny olan’ny tsena ny PDS

Toamasina: nijery ny olan’ny tsena ny PDS

Nandray andraikitra avy hatrany. Nidina ifotony nijery ny olan’ ireo tsena eto Toamasina ny filoha vaovao ny delegasiona manokana (PDS) mitantana ny kaominina, Razafimanana Christian, ny herinandro lasa teo. Nojereny avokoa ny etsy amin’ny  tsenan’i Bazarikely ka nahitany maso ny fivangongon’ny fako efa manaka-danitra sy ireo voalavo efa mitovy habe amin’ny saka. Eo koa ny tsy fisian’ny filaminana amin’ny tsy fipetrahan’ny mpivarotra amin’ny faritra tsy tokony hivarotana. Ohatra, ireo mivarotra eny ambony tatatra. Ny tsy fisian’ny lalana handehanan’ny mpividy.

Nisehoseho sy te  ho  hita…

Manampy izany ny rano maloto miandrona mameno ny tsena. “Tsy maintsy hisy ny fanadiovana ny tsena ato ho ato ary hapetraka ny fitsipika sy ny lalàna mifehy antsika  ety. Eo koa ny rindran-damina mba ho tsena maha te hiditra sy ny hanatonan’ireo te hividy ny entana”, hoy ny PDS.

Nanamarika izany anefa ny fahitana ireo mpanara-dia efa ho anjatony, tombanana fa efa mitady ranondranony sahady an’ity mpitantana vaovao eo anivon’ny kaominina Toamasina ity. Nisehoseho sy te  ho  hita…

Sajo 

 

Les commentaires sont fermées.