Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Trafika andramena – Famotsiam-bola: misy raharaha hafa koa anenjehana an’ilay mpandraharaha malaza

Trafika andramena – Famotsiam-bola: misy raharaha hafa koa anenjehana an’ilay mpandraharaha malaza

Nahazo tatitra avy any amin’ny olona tsy nitonona anarana ny Bianco, mikasika ny ahiahy kolikoly nataon’ny mpandraharaha iray, malaza any Toamasina, efa naiditra am-ponja any Tsiafahy amin’izao fotoana izao. Ao anatin’izany raharaha hafa maha voarohirohy azy izany, ny fanaovana trafikana andramena sy ny famotsiam-bola, nanomboka ny taona 2014. Manodidina ny anjatony tapitrisa ariary ny famotsiam-bola nataony avy amin’ny fanondranana an-tsokosoko andramena nakany ivelany. Nisy olona roa hafa nanampy ity mpandraharaha ity tamin’izany. Nalefan’ny Bianco tany amin’ny Fitsarana manokana miady amin’ny kolikoly (Pac) ny antontan- taratasy taorian’ny fanadihadiana nataony.

Kandidà depiote

Tsiahivina fa efa namoahan’ny Bianco didy fampisamborana ity mpandraharaha ity, ny taona 2017 sy ny olona roa hafa mianadahy. Tany ivelany izy tamin’izany fotoana izany. Notsenain’ny mpomba azy tamin’ny fomba manetriketrika tany Toamasina izy, ny taona 2018.

Nosamborina izy tamin’ity taona 2019 ity teto Antananarivo teny Ivandry.

Tsiahivina fa anisan’ny nirotsaka kandida ho solombavambahoaka koa ity mpandraharaha avy any Toamasina ity. Araka ny fanazavan’ny filohan’ny Ceni, afaka mirotsaka foana izy ireny na manana raharaham-pitsarana aza. Saingy mandray fepetra hanoloan’ny lisitra faharoa azy kosa ny filohan’ny Antenimiera, raha toa ka lany depiote izy ireo, nefa voaheloky ny fitsarana. Maromaro ny kandidà depiote toa azy, ary manana raharaham-pitsarana.

Randria

Laisser une réponse

Votre adresse email ne sera pas rendue publique