Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Tabera R: « Mila hadihadina ny « Raharaha Ratsimandrava » » 

Tabera R: « Mila hadihadina ny « Raharaha Ratsimandrava » » 

« Hanoratra taratasy any amin’ny fitondram-panjakana izahay ato amin’ny antoko Kintana sy ny CRN. Hanao fanokafana ny fanadihadiana fa tsy azo apetrapetraka foana amin’izao iny fahafatesan’ny kolonely Ratsimandrava iny. »

Izay ny fanehoan-kevitry ny filohan’ny antoko Kintana sady tomponandraikitra eo anivon’ny  Komitin’ny fampihavanam-pirenena (CRN), Tabera Randriamanantsoa, amin’izao fahatsiarovana ny faha-44 taona nahafatesan’ny filoham-panjakana sady lehiben’ny governemanta, ny kolonely Ratsimandrava, ny 11 febroary 1975, izao.

Samy niaiky avokoa ny rehetra fa olom-pirenena nanana ny heviny ny kolonely Ratsimandrava, araka ny nambarany. Avela fotsiny amin’izao ve izany ny hoe: iza ny namono azy? « Tsy midika izany fa hogadraina izay namono azy », hoy izy. Tokony ho fantatra ny marina: iza marina ny namono ny kolonely Ratsimandrava? Mety efa maty ilay olona namono azy fa mba tokony ho fantatra hoe iza.

« Efa manomana taratasy hangataka any amin’ny filohan’ny Repoblika ny amin’ny tokony hanaovana fanadihadiana lalina ho amin’ny fahamarinana sy fampihavanam-pirenena », hoy ihany izy.

Nahoana no izao, efa 44 taona aty aoriana, vao korofohana izany?

R.Nd.

 

Laisser une réponse

Votre adresse email ne sera pas rendue publique