Tsy mbola  nisy tahaka ity indray mandeha ity. Farafahakeliny  dimy ireo filoham-panjakana vahiny hanotrona ny fianianan’ny filoha Rajoelina eny Mahamasina, anio. Anisan’izany ny filoha isany, avy any Namibia, i Hage Geingob, ny avy any Kaomaoro, i Azali Assoumani, ny filoha Ghaneana, i Nana Akufo-Addo  sy ny filohan’i Ginea, Alpha Condé.  Ny filohan’i Etiopia, i Sahle-Work Zewde… ny filoha liberianina  sady kintan’ny baolina kitra afrikanina fahiny, i George Weah. Manampy azy ireo ny filoha frantsay teo aloha, i Nicolas Sarkozy. Handefa solontena ireo firenen-dehibe tahaka an’i Frantsa,  Japon, Etazonia, Rosia, Canada, Botsoana; Maorisy, Seychelles…

Eo koa ilay mpandraharaha lehibe avy any Dubai

Eo koa ny avy amin’ny ONU, ny Vondrona eoropeanina (UE), ny Vondrona afrikanina (UA), ny Frankofonia (OIF), ny Sadc sy ny  Comesa  ary ny avy aty  amin’ny ranomasimbe Indianina  (COI).  Eo koa ireo mpandraharaha  marobe avy amin’ny firenena samihafa. Anisan’izany ilay avy any Dubai, i Mohamed Alabbar, nanamboatra  ireo fotodarfitrasa samihafa ahafantarana an’ity firenena ity.

Randria