Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Herisetra amin’ny fampielezan-kevitra: nakarin’ny Ceni fitsarana ny fitorian’ireo kandidà

Herisetra amin’ny fampielezan-kevitra: nakarin’ny Ceni fitsarana ny fitorian’ireo kandidà

“Anankiroa ny fitoriana tonga eto amin’ny Ceni”, hoy ny filohan’ny Ceni, Rakotomanana Hery, teny Alarobia, omaly, momba ny fitorian’ireo kandidà noho ny fisian’ny herisetra nihatra tamin’ireo mpomba azy avy tao anatin’ny fampielezan-kevitra.

Fitoriana voalohany amin’izany ny nataon’ny kandidà lah. 13, Rajoelina Andry, momba ny herisetra nihatra tamin’ny mpanohana azy nandritra ny fampielezan-kevitra. Tonga teny amin’ny Ceni ny 27 oktobra ny fitoriana.

Tsy mifankaiza amin’izany ny fitoriana faharoa, avy amin’ny kandidà lah. 25, Ravalomanana Marc. Mbola momba ny herisetra nahazo ny mpomba azy tao anatina fampielezan-kevitra ihany koa ny fototry ny fitoriana, izay tonga teny amin’ny Ceni ny 29 oktobra lasa teo. 

Mandray fitoriana ihany no ataon’ny Ceni fa ny fitsarana mahefa ny amin’izany no mandray an-tanana ny fanadihadiana sy ny fitsarana ny raharaha. Raha tsiahivina, nisy ny fikasihan-tanana ny mpomba ny kandidà. Teo koa ny fandratrana olona, niafara tamin’ny famoizana aina aza.

Mila fampiharana amin’izay ny lalàna

Tena hisy amin’izay ve ny fampiharan-dalàna, indrindra ny fanasaziana, amin’izay mandika lalàna amin’ny raharaham-pifidianana? Mba tsy ho vitavita sy tsy hitahita ho azy toy izay nisy sy niainana hatramin’izay… Amin’izay, tena itokisana tokoa ny fikarakarana sy fikirakirana ny fifidianana: hoeken’ny rehetra. Anisan’ny miantoka ny tsy hisian’ny korontana sy ny fanoherana ny voka-pifidianana izay?

R. Nd.

 

Les commentaires sont fermées.