Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fiatrehana ny fifidianana: hampahafantarin’ny Ceni eny ifotony ny biletà tokana

Tsy an-kiandriandry. “Efa lasa ary  naparitaka any amin’ny rantsa-mangaikan’ny  Ceni, hatrany anivon’ny kaominina  ny  biletà tokana miisa 8 000. Hiasa avy hatrany amin’ny fanofanana ny mpikambana ireo mpampiofana  avy aty ary hampahafantatra ny vahoaka mpifidy ny momba io biletà tokana  io”, hoy ny filoha lefitry ny Ceni, Rakotonarivo Thierry,  ny faran’ny herinandro teo teny  Alarobia.  Tsy ny eo anivon’ny Ceni  irery ihany anefa ny hisehatra amin’izany  fa eo koa ny eo anivon’ny fiarahamonimpirenena.  “Hahazo biletà tokana miisa 50 ahitana  soratra “Formation” avy isaky ny distrika izy ireo ary hanentana sy hampahafantatra ny mpifidy ny momba izany koa. Hahazo ny anjarany  ireo antoko politika  sy ny  kandidà ka samy  hanana biletà tokana miisa 75  avy”, hoy  ihany izy.

Vato maty na tsy manan-kery

Hanomboka ny 7 oktobra izao izany ny asan’ny avy amin’ny fiarahamonina sivily sy  ny antoko politika amin’ny fanentanana sy fampahafantarana izany biletà tokana izany. Mazava koa anefa ny hafatry ny  Ceni, manoloana ity resaka biletà tokana ity. “Tsy manan-kery ary maty avy  hatrany ny vato raha tsy misy sonian’ny mpikamban’ny birao fandatsaham-bato (BV) ka tokony hamarinin’ny mpifidy  izany, mialoha ny handrotsahany ny vato anaty vata mangaraharaha”, hoy ny eo anivon’ny Ceni.

Synèse R.

Les commentaires sont fermées.