Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fiaraha-miasa: hanetsika  mpanaramaso ny fifidianana ny Vondrona eoropeanina

Fiaraha-miasa: hanetsika  mpanaramaso ny fifidianana ny Vondrona eoropeanina

Tsy hitazam-potsiny. Nampahafantatra ny hahatongavan’ireo mpanaramaso ny fifidianana avy amin’ny  Vondrona  eoropeanina  (UE) eto amintsika ny lehiben’izy ireo, i Christian Preda, omaly tetsy  Ankorondrano. “Handefa iraka hijery sy  hanaramaso mialoha sy mandritra ary aorian’ny fifidianana izahay, araka ny  fangatahan’ny fitondrana malagasy”, hoy izy ireo.  Efa tonga  eto, ny  21 septambra teo ny lehiben’ny mpanaramaso  lefitra  sy mpanadihady miisa valo. “Hisy mpanaramaso 40 hafa  ho avy ho tonga, ny 6 oktobra izao  ary hiparitaka any amin’ny  faritra ”, hoy ihany izy ireo.

Notsindriny fa anisan’ny  iraka  hampanaovina azy  ireo ny fanaraha-maso ny fanomanana sy ny fikarakarana  ny  lafiny  fampitaovana ny fifidianana. Eo koa ny fijerena ny fizotry ny fampielezan-kevitra sy ny  hetsika fanentanana na koa  fanetsehana ny mpifidy.

Fitoriana momba  ny  tsy  fanarahan-dalàna sy fihoaram-pefy

Manampy izany ny fanaraha-maso ny andron’ny fifidianana  sy ny fanisam-bato  ary ny  famoahana ny voka-pifidianana. Ho tonga amin’ny fijeren’izy  ireo ny  fanarahany maso ireo fitoriana amin’n y mety ho fihoaram-pefy, na  tsy fanarahan-dalàna amin’ny fifidianana izany.

Araka izany,  hiditra an-tsehatra tanteraka, amin’izao fifidianana izao, ny UE  ary hanaraka  izany  hatramin’ny farany.

Synèse  R.

Les commentaires sont fermées.