Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Filankevitry ny raiamandreny: “Aoka hampanjakaina ny fihavanana”

Filankevitry ny raiamandreny: “Aoka hampanjakaina ny fihavanana”

Aoka hampanjakaina ny fihavanana mandritra ny fifidianana, tsy hisy rahoraho”, hoy ny fehinkevitry ny  vovonamben’ny raiamandreny ara-drazana natao tany Fianarantsoa, ny herinandro teo. Nivoitra  koa fa tsy maintsy mihozona amin’ity tany masina ity, araka ny fomba, ireo olom-boafidy sy olom-boatendry hitondra sy hitantana ny firenena mba tsy hangalatra sy hambotry vahoaka na hivarotra tanindrazana.  Takin’izy ireo koa ny zara henan’ny vahoaka  andriamanjaka, amin’ny fanjakana mpanao am-pihimamba sy mpanao zara vilana. “Hapetraka ny dinam-piarahamonina mba hifehezana ny tany sy ny fanjakana. Masimandidy amin’ny taniny ny raiamandreny ara-drazana eo anatrehan’ny fanapahan-kevitra rehetra raisin’ny fanjakana”, hoy  ihany  izy ireo.

Tsiahivina fa napetraka ao Tsaramandroso Fianarantsoa manamorona ny lalana ny tsangambaton’ny fihavanana mba ho tazan’ireo mpandalo sy mpivahiny rehetra.

Synèse R.

Les commentaires sont fermées.