Mitohy ny fidinana  ifotony. Anjaran’ny tany Arivonimamo sy Manalalondo  indray ny notsidihin’ny mpanorina ny IEM, Rajoelina, omaly. Nisehoana  sakantsakana nataon’ny olon’ny HVM anefa  izany, toy  ny filazana fa  tsy manara-dalàna ity kandidà ity. Nirohotra nitsena azy sy  namakivaky ny  tanàna  ihany anefa ny vahoaka marobe ka  tsy voasakana intsony  izany. Nangetaheta ny hihaona amin’ny filohan’ny Tetemita ny rehetra.  Notsiahivin’ny kandidà Rajoelina ny tolona  nataon’ny depiote 73 sy ny namoizana ain’olona tamin’izany. Avy any an-toerana rahateo ny  iray tamin’ireo lavo.

Ankoatra  izany, natsidiky ny kandidà  Rajoelina fa ao anatin’ny IEM avokoa  ny hetetaheta  sy ny  famahana ny  olan’ny mponina. Anisan’izany ny olan’ny rano fisotro, ny tsy  fananana  asa, ny  tsy  fandriampahalemana ary ny fahantrana iainan’ny vahoaka… Nampanantena  fampandrosoana ho an’iny faritra  iny ny tenany.

Synèse R.