Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Vita ny fanosorana tany Vatikana: hotsenaina manetriketrika ny kardinaly Tsarahazana

Vita ny fanosorana  tany Vatikana: hotsenaina manetriketrika  ny  kardinaly Tsarahazana

Higadona an-tanindrazana, ny talata 10 jolay izao. Tafapetraka amin’ny  toerany maha kardinaly azy ny arsevekan’i Toamasina,  ny Mgr Tsarahazana Desiré. Notanterahina, omaly tao amin’ny kianjan’ny  Md Piera ao  Vatikana ny Sorona masina nanosorana  azy  sy ireo kardinaly 13 hafa niaraka aminy. Nasalotra azy ireo ny lamba volonondry ahitana sary lakroa, maneho ny maha mpiandry ondry.  Nialohavan’ny  fametraha’ny papa François  ilay satroka sy ny peratra izany, afakomaly. “Tia  ny firenentsika ny ray masina ka afaka mirehareha isika na mahantra aza. Misy lanjany eo amin’izao tontolo  izao sy eto anivon’ny fiketrahana  masina i Madagasikara”, hoy ny teny fohy nataon’ny ny Mgr Tsarahazana Desiré taorian’ny fanosorana azy ho kardinaly. Anisan’ny nanotrona azy tany an-toerana ireo mpikambana  sasany  eo anivon’ny Fivondronamben’ny eveka  (Fem), nahitana ny Mgr Razanakolona Odon.

Hitarika sorona masina etsy Antanimena

Higadona an-tanindrazana, ny talata heriny izao eny Ivato, ny tenany  sy ireo  delegasiona miaraka aminy. Hotsenaina amin’ny fomba manetriketrika izany ary anentanan’ny fiangonana ireo  rehetra eny an-dalana, hatreny amin’ny tranon’ny “Nonce apostolique” eny Ivandry, handraisana azy. Hitohy amin’ny sorona Masina voalohany hotarihiny etsy amin’ny Ekar Antanimena, ny alarobia amin’ny 5 ora hariva, izany. Handraisana  sy hiarahabana azy amin’ny fomba ofisialy. Hihazo ny any  Toamasina ny 12 jolay ary hitarika lamesa indray koa any an-toerana  ny 15 jolay izao.

Tsiahivina  fa notendren’ny papa François ho kardinaly ny pantekoty teo ny Mgr Tsarahazana Desiré.  Efa an-taony maro  rahateo  tsy nanana kardinaly intsony isika eto Madagasikara…

Synèse R.

Les commentaires sont fermées.