Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Nanome lesona ny Amerikanina: « Hihoarana ny fahasamihafana »

Nanome lesona ny Amerikanina: « Hihoarana ny fahasamihafana »

Nanome  lesona. Nankalazaina mialoha, omaly tetsy Andranomena, ny fetim-pirenena  amerikanina. Anisan’ny lohahevitra  novoizina  tamin’izany ny manodidina ny fifidianana. Mazava ny hafatry ny eo anivon’ny masoivoho, amin’ny alalan’ny mpiandraiki-draharaha, i  Stuart Wilson.  ” Tsy voatery hitovy hevitra hatrany ny tena mpisakaiza, saingy tsy maintsy hahita fomba hihoarana izany fahasamihafana izany izy ireo, noho ny soa iombonana », hoy  izy. Misy dikany sy heviny izany amin’izao isika hiatrika fifidianana izao na  koa  ny krizy politika, mbola  mitoetra. Nanaovany jery todika avy eo ny rehetra nifampizarana sy ny vita niaraka ka nilazany  fa azo antoka ny hahamafy orina hatrany ny fiaraha-miombona antoka eo amin’i Etazonia sy i Madagasikara.  « Mbola hankalazaintsika mandritra ny taona maro mifandimby  izany”, hoy ihany izy.  Naranty teny an-toerana, nandritra ny lanonana,  ny momba ny fifidianana any Etazonia. Tokony ho fakan-tahaka ho antsika ?

Tsiahivina fa  mbola andrasana ny  fanendren’ny governemanta  Amerikanina ny hisolo ny ambasadaoro teo aloha, i Robert Yamate, efa niala teto amintsika ny volana marsa teo. Anisan’ny hafatrafatra napetrany ny hirosoantsika amin’ny fifidianana mangarahara sy ho ao anatin’ny fitoniana. « Antoka  hizorana  ho any amin’ny  fampandrosoana izany ary hanaingana  indray ny  toekarena », hoy izy tamin’izany. Mbola mitombina izany fanehoan-keviny  izany hatramin’izao.

Synèse  R.

Les commentaires sont fermées.