Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Amin’ny 7 novambra ny fifidianana: mametra-pialana ny 7 septambra ny filoha

Amin’ny 7 novambra ny fifidianana: mametra-pialana ny 7 septambra ny filoha

Raikitra izany… Amin’ny 7 novambra ny fifidianana filohan’ny Repoblika, fihodinana voalohany, ary amin’ny 19 desambra ny fihodinana faharoa, araka ny tapaky ny filankevitry ny governemanta teny Mahazoarivo, omaly.

Mametra-pialana 60 andro alohan’ny hanatanterahana ny fifidianana filohan’ny Repoblika ny filoha am-perinasa, raha mirotsa-kofidina, araka ny And. 46 amin’ny lalàmpanorenana. Noho izany, mila mametra-pialana ny 7 septambra ny filoha  farafahelany.

Roa volana mahery sisa hijanonany eo amin’ny toerany. Hilamina tanteraka amin’izany ny krizy politika? Ao anatin’izany, ny fitakian’ny eny amin’ny kianjan’ny 13 mey ny fametraham-pialan’ny filoha. Eo koa ny fitakiana ny fanalana ireo minisitra HVM.

Ny fifidianana no hany vahaolana amin’izao

“Tsy azo lalaovina ny raharaham-pirenena, ary sy maintsy raisina ny hevitry ny besinimaro. Lazaiko fa tsy maintsy miroso amin’ny fifidianana isika. Hany no lalana hahazoantsika mamaha ny olana na ny krizy politika amin’izao fotoana izao izany.”, hoy ny Praiminisitra Ntsay Christian. Nankatoavin’ny Antenimiera roa tonta ny fandaharanasan’ny governemanta na ny politika ankapoben’ny fanjakana (PGE). Midika izany fa laharam-pahamehana ny fifidianana. “Manao antso avo ny tenako mba ho lalana iray hanamafisantsika ny fitoniana politika izany fanolorana ny daty izany ary indrindra hirosoantsika amin’ny tena tokony ho izy amin’ny lalan’ny fifidianana hahazoantsika mamaha ny olana”, hoy izy.

Milalao afo ny governemanta

Araka izany, tsy hahafaly ireo mpanao politika io daty  io. Ho  an’ny  Tim, tokony ho amin’ny  taona  ho  avy ny fifidianana. Mitazona  ny 29 novambra  kosa  ny HVM.  Mety ho tahaka izany koa ny iraisam-pirenena. Efa anatin’ny orana ny 7 novambra ka mifanohitra amin’ny didin’ny  HCC,  indrindra fa ny fihodinana faharoa.  Hanaiky izany  koa ve anefa ny vahoaka, efa mba manantena  fa hifarana ny krizy ? Tsy  efa  milalao afo ve ny governemanta  amin’izany ary larazan’ny fampitoniana ireo mpitarika  politika sasany fotsiny ihany io daty io. Andrasana ny ho tohiny…

R.Nd. sy Synèse R.

Les commentaires sont fermées.