Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Tapaka ny lalana… Tsy afa-nanoatra ny Emmo/Reg : nakaton’ny sendikà sy ny depiote ny minisitera HVM

Tapaka ny lalana… Tsy  afa-nanoatra ny Emmo/Reg  : nakaton’ny sendikà  sy ny depiote ny minisitera  HVM

Nitohana  tanteraka ny fifamoivoizana eny Anosy,  Ampefiloha, Ambohidahy,  Antaninarenina noho ny diabe sy hetsika notarihin’ireo sendikà notronin’ny depiote Tim,  omaly. Sahirana ireo nampiasa lalana na koa ireo nikarakara taratasy teny anivon’ny minisitera.

Etsy andaniny,  na teny an-toerana amin’ireny faritra  ireny aza ny mpitandro  filaminana  avy amin’ny Emmo/Reg, tsy afa-nanoatra noho  ny hamaroan’ireo  vahoaka.  Fitakiana sendikaly rahateo  ny nataon’izy  ireo.

Fanesorana amin’ny sezany ny minisitra HVM

Tsy mijanona eo ihany anefa  izany fa notakin’izy  ireo koa ny hanesorana amin’ny sezany ireo minisitra  HVM.  Manampy trotraka  izany ny antsojay sy  ny faneriterena  na koa  tsindry hazolena mihatra amin’ny mpiasa. Eo koa  ny fitakiana ny  tambiny samihafa tsy voaloan’ny fanjakana.

 Nisintaka  niala ny eo anivon’ny Mapar

Anisan’ny nanaovan’izy ireo be fiavy ny eo  anivon’ny minisiteran’ny Paositra sy ny fifandraisan-davitra. Ny minisiteran’ny Vola sy ny fitantanam-bola. Nihazo ny minisiteran’ny Fahasalamana ary avy eo hatrany Anosy, eny amin’ny minisiteran’ny Fambolena sy  ny   fiompiana.  Hitohy anio, indray ny hetsika etsy amin’ny kianjan’ny  13 mey. Anisan’ny paikady sy stratejian’ny mpitarika ny tsy filazana mialoha  ny toerana na koa ny lalana izorana rehefa manao diabe tahaka izao.

Tsiahivina  fa efa nisintaka  tsy miaraka amin’ireo vahoaka mpitolona sy ny sendikà  ary ny  depiote Tim intsony ny avy amin’ny Mapar.

Ho tonga hatraiza izao  hetsika fitakiana ny  fialan’ny minisitra HVM izao ?

Randria

Les commentaires sont fermées.