Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fifidianana filoham-pirenena : ho kandidà Rakotomamonjy Jean Max

Fifidianana filoham-pirenena  : ho kandidà Rakotomamonjy Jean Max

Ho  kandidà amin’ny fifidianana filoham-pirenena ny filohan’ny  Antenimierampirenena  sady avy amin’ny Leader fanilo, Rakotomamonjy Jean Max, raha ny fanazavan-dresaka nandritra ny famoriany tangalamena sy vavanjaka ary ny mponin’ i Toamasina ny asabotsy teo.  Nambarany koa fa tsy manana minisitra na iray aza eo anivon’ny governemanta vaovao ny Leader Fanilo. « Andrakitray ny handrotsaka olona amin’ny fifidianana rehetra  hatao eto amin’ny firenena” hoy ihany izy. Nohamafisin’ ity filohan’ity  Andrimpanjakana iray eto amin’ny firenena ity fa mbola indray mandeha izy no nahazo toerana notendrena.  « Saika fiatrehana fifidianana hatrany no nandraisanay ny fitantanan-draharaham-panjakana. Efa

voafidy ben’ny Tanàna tao Andapa.  Mpanolontsaim-paritany ihany   koa ary depiote. Voafidy ho filohan’ny  Antenimierampirenena avy  eo. Efa voatendry ho minisitra fony fitondrana  Tetezamita. Antony  ilazako izany fa fifidianana no mety amiko”, hoy ihany izy.

Ankoatra  izany, niaiky ny tsy fahombiazan’ny fampandaniana lalàm-pifidianana amboletra nahatonga ny olana teo amin’ny raharaham-pirenena ny tenany. “Ekena fa maro ny vahoakan’ny kianjan’ny 13 mey. Tsy vahaolana anefa ny famoriam-bahoaka isan’ andro fa tokony hirosoana ny dinika hamahana ny olana”, hoy Rakotomamonjy Jean Max.

Sajo

 

Les commentaires sont fermées.