Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Famahana ny krizy : ho tonga indray koa i Chissano

Famahana ny krizy  : ho tonga indray koa  i Chissano

 Fararanom-bahiny.  Higadona, anio eto amintsika,  ny mpanelanelana avy  amin’ny  Troika eo anivon’ ny Sadc,  i Chissano. Mazava ny valin-kafatra avy amin’ny depiote  ho an’ny  fanovana, teny an-kianja, omaly. “Efa haintsika fa nampidi-kizo  ny firenena  tamin’ny ilay hoe “Ni…Ni” ilay  rangahy io. Tsy ekentsika hiverina  eto amin’ny firenena intsony ny  tahaka  izany”, hoy izy ireo. Efa  nialoha lalana ity iraky ny Sadc ity ny avy amin’ny ONU  sy ny Vondrona afrikanina  (UA) ary nihaona amin’ny mpitondra.  Mbola  hihaona koa amin’ireo filoha teo aloha, Ratsiraka sy  Ravalomanana ary Rajoelina. Eo koa  ny ho fihaonan’izy ireo amin’ny CFM  sy ny FFKM.

Etsy andaniny anefa, nanitrikitrika ny eny amin’ny kianjan’ny 13  mey  fa tsy vonona hifampiresaka amin’ny mpitondra raha hanelanelana momba izany ny ahatongavan’ireo vahiny  eto amintsika ireo. “Tsy maintsy mihavana amin’ny vahoaka aloha ireo  mpitondra ireo. Tsy hifampiresaka amin’ny mpamono olona sy  mpanao kolikoly  izahay. Tsy azo  iraisana latabatra sy hifampiresahana ny  olona  tahaka izany…  Aleo  ihany koa  ho raharahan’ny Malagasy izy ity fa tsy itsabahanareo iraisam-pirenena”, hoy  ihany ny depiote.

Araka izany, ho  sarotra ny  fanelanelanan’ny vahiny amin’izao raharaha izao.

Synèse R.   

Les commentaires sont fermées.