Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Tontolo ambanivohitra : miara-miasa ny Indostria sy ny Fambolena

Tontolo ambanivohitra  : miara-miasa ny Indostria sy ny Fambolena

 Manamafy ny fiaraha-miasany ny minisitera roa: Indostria sy ny sehatra tsy miankina, miaraka amin’ny Fambolena sy fiompiana. Araka izany, nisy ny fanaovan-tsonia, omaly, teo amin’ny sekretera jeneraly minisitera roa, Rasamoelina Jean Jacques, avy amin’ny Indostria, sy Rakotobe Tovondriake, avy amin’ny Fambolena. Tsy vao voalohany ny fiaraha-miasa toy izao eo amin’ny roa tonta, hampivelarana ny indostria any amin’ny tontolo ambanivohitra. Hanatanterahana izany ny tetikasa Prosperer, ho fampandrosoana ny indostria sy ny fandraharahana momba ny fambolena sy ny fiompiana, antoky ny fampandrosoana ny toekarem-pirenena.

Koa manentana ireo kaoperativa ny minisiteran’ny Indostria amin’ny maha mpiahy azy ny sehatra tsy miankina. Efa nahitam-bokatra izay fanomezan-toerana ny sehatra tsy miankina izay, ary andrasana hampitombo ny vokatra sy hanatsara ny kalitao, mamaly ny filàn’ireo indostria.

Laharam-pahamehana ao anatin’ny « Fisandratana 2030 », ny indostria sy ny fandraharahana momba ny fambolena sy ny fiompiana. Voarakitra amin’ny fanaovan-tsonia eo amin’ny minisitera roa tonta izany, tanterahina amin’ny tetikasa Prosperer. Nanamarika ny maha zava-dehibe io fanaovan-tsonia io ny mpanolotsaina ao amin’ny Prosperer, Ratsimandresy Vladimir Barihoda. Mitohy, noho izany, ity tetikasa ity any ambanivohitra, hampitomboana ny ezaka efa natao sy hahitana tsenam-barotra lehibe.

Tsy misy tsy mahita isika fa tratra aoriana lavitra mitarika fahantran’ny mponina maro ny tontolo any ambanivohitra. Koa antenaina hitondra vokatra tsara ny tetikasa toy izao, hisy tokoa ny  tena fanatanterahana azy.

R.Mathieu

Les commentaires sont fermées.