“Olana teo amin’ny tsy  fandriampahalemana ny  tsy firindran’izany teo amin’ireo tompon’andraikitra. Harindra  ny fomba fiasa miainga eny ifotony manomboka izao  ary antenaina hitera-bokatsoa”,  hoy ny Praiminisitra Mahafaly  Solonandrasana, omaly teny Mahazoarivo.   Nanokatra amin’ny fomba ofisialy ny ity atrikasa hijerena paikady mahomby sy maharitra momba ny tsy fandriampahalemana manerana ny Nosy ity ny tenany. Nohitsiny fa tsy resabe  intsony izao  atao  izao. Hitadiavana  paikady hatrany ifotony, manomboka eny anivon’ny kaominina hatra ny amin’ny distrika, araka  ny  nambarany. Notsiahiviny fa samy ahitana tsy fandriampahalemana na an-tanan-dehibe na ambanivohitra. Fa  eo koa anefa ny tsy fandriampahalemana  amin’izao hirosoana amin’ny  fifidianan  izao. “Hodinihina amin’izao atrisaka izao  avokoa ny hifehezana izany  rehetra izany ary tokony ahitana  paikady maharitra sy mahomby”,  hoy ihany izy.

Nanteriny  fa tsy kabary tsara lahatra intsony ny tian’ny vahoaka ho hita.

Synèse R.