Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Mbola nanatintrantitra ny Amerikanina : « Tsy misy kandidà azo hailika izany amin’ny fifidianana… »

Mbola nanatintrantitra ny Amerikanina : « Tsy misy kandidà azo hailika izany amin’ny fifidianana… »

Tsy miova amin’ny efa  nambarany ary itoviany amin’ny  fianakaviambe iraisam-pirenena. “Tsy naheno ary tsy mahalala  didim-pitsarana momba ny mpanao politika izany  izahay.  Tokony  havoaka dieny  izao  izany raha misy… Na izany aza, ny fianakaviambe  iraisam-pirenena efa samy nilaza avokoa fa tokony  halalaka ny fifidianana  ahafahan’ny vahoaka mifidy  an-kalalahana ny  hitondra ny firenena”, hoy ny ambasadaoro amerikanina, Robert Yamate, omaly,  teny Alarobia. Notsiahiviny fa tsy tokony hipetraka ny ahiahy ary tokony hitohy ny fanaraha-maso ny fifidianana mba ho demokratika tanteraka izany.  “Tanjona ny fahaiza-mitantana ka mba  ho  eken’ny rehetra ny fifidianana sy ny vokany ary hiantoka ny fandrosoan’ny firenena”,  hoy  ihany  izy.

Etsy andaniny, nanteriny fa tsy misy fepetra ny fanohanan’i Etazonia vola ny  Ceni. Na  izany  aza, mitondra sosokevitra izy ireo  fa tsy miditra amin’ny raharaha anatin’ny firenena. “Mba  ho fanatsarana ny zotram-pifidianana ka hifanaraka amin’ny  fahaiza-mitantana sy ny fanjakana tan-dalàna izany”, hoy ihany izy.

Tsiahivina fa nanome vola  1, 2 tapitrisa dolara hanohanana ny fifidianana amin’ny taona ho avy ny Amerikanina. “Natao hanampiana ny Ceni  amin’ny fifidianana io vola io.  Hanohanana ireo  hetsika fanamafisana orina ny  mangarahara ary hampitomboana ny fahatokisan’ny  olom-pirenena ny zotra-pifidianana”, hoy i Robert Yamate.

Manao  ho zava-dehibe ny fifidianana ny iraisam-pirenena 

Naneho fahavononana ny Amerikanina  hanohana antsika mba ho fifidianana azo  antoka, tsy mitanila, andraisan’ny  rehetra anjara ary  tena hanehoan’ny vahoaka ny safidiny izany hatao  izany.

Anisan’ny hampiasana izany vola izany ny fanofanana ireo mpiasa amin’ny fikirakirana  ireo fitaovana ho amin’ny fifidianana. Manomboka ao amin’ny foiben’ny Ceni ka hatrany anivon’ny kaominina izany. Tafiditra  ao anatin’izany ny famokarana sy f anapariahana fitaovana  maro, toy ny bokikely amin’ny fitantanana fifidianana, ny fomba fanisam-bato, ny fandravonana  ireo lalàna… Hampiasana io vola io koa ny fampirisihana ireo fiarahamonim-pirenena hanomana ny fifidianana. Ohatra eo amin’ny  lafiny serasera sy  ny fanairana na koa ny fanentanana ny isan-tanana  momba ny fifidianana.

Midika izany fa manao ho zava-dehibe ity fifidianana ity ny fianakaviambe iraisam-pirenena…

Synèse R. 

Les commentaires sont fermées.