Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fampangaraharana ny fifidianana :Ho azo jerena amin’ny finday ny anaran’ny mpifidy

Fampangaraharana ny fifidianana :Ho azo jerena amin’ny finday ny anaran’ny mpifidy

Nametraka  fanamby.  Anisan’ny ezaka  hataon’ny Ceni amin’ny hiatrehana ny fifidianana filoham-pirenena amin’ny  taona ho  avy ny hampangarahara izany.

 « Ho azo  jerena amin’ny finday ny anaran’ny mpifidy.  Anisan’ny ezaka hatao  izany ary mitady ny fomba rehetra hahazoana antoka ny zotram-pifidianana izahay manoloana ny ahiahy samihafa”, hoy ny filohan’ny Ceni, ny Me Rakotomanana Hery,  omaly, tetsy Alarobia. Hanampy ny fijerena  ny anaran’ny mpifidy amin’ ny rohy  eo anivon’ny tranonkalam-pifandraisan’ny Ceni izany raha hirosoana ity  fampiasana finday  ity.  Ankoatra izany,  notsiahiviny  fa hifarana  ny 31 janoary izao  ny  fisoratana anarana  anaty lisi-pifidianana. Hivoaka  ny 15 avrily kosa  ny lisitra farany. “Mbola  ho avy koa ny  fitsirihan’ny  manampahaizana iraisam-pirenena izany  miaraka amin’ny mpanao politika na mpanohitra na mpanohana ny fitondrana”, hoy izy. Nanome toky ny Ceni fa  vonona  hiantoka ny fifidianana ao anaty mangarahara miaraka amin’ny lalàna manan-kery.

Tokony hamoaka ny datim-pifidianana ny fitondrana 

 Ankoatra izany,  nambarany fa ampy hikarakarana ny fifidianana ny vola eo an-tanana. Mizara roa rahateo ny famatsiam-bola eo anivon’ny Ceni. Eo ny avy  amin’ny fitondrana  amin’ny  alalan’ny tetibolam-panjakana.  “Fa eo koa ny  tetikasa  Sacem iarahana amin’ny fianakaviambe iraisam-pirenena. Tombanana ho 12 tapitrisa dolara izany hatrany amin’ny  taona 2019”,  hoy ihany izy.

Mbola mitaky amin’ny  governemanta ny hamoahana ny datim-pifidianana izy  ireo.

Synèse R.    

Les commentaires sont fermées.