Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Seranana Atsanbingo : Tsy ahazoana antontanisa mazava ny voamboana

Seranana Atsanbingo : Tsy ahazoana antontanisa mazava ny voamboana

Seranan-tsambo kely iray Atsanbingo ao Mahajanga, no fihantsonan’ireo botry madinika mpitatitra entana mandroso sy miverina any amin’ireo kaominina manodidina misy ranomasina na renirano ao amin’ny faritra Boeny. Hita misavovona miantsona eo amin’io seranana kely ireo karazan-kazo fampiasa amin’ny trano sy fanaovana fanaka. Hita betsaka ho an’izay fanamboarana fanaka izay ny voamboana (palissandre). Tsy ahazoana antontanisa mazava anefa momba ireo karazan-kazo tonga eo amin’io moron-dranomasina io.

Misy ihany ny fotoana fandalovan’ny solontenan’ny mpiasan’ny sampandraharahan’ny ala avy ao amin’ny faritra, maka tamberim-bidy fa ny hazo tena voatrandraka miala any am-potony tsy fantatra mazava, toy ny avy any Soalala, Marosakoa, Mahajamba. Mahalana ny tatitra momba izany miainga any amin’ireo kaominina ireo sy ny faritra hatrany amin’ny minisiteran’ny Tontolo iainana sy ny ala.

Tsy latsaky ny 20 ireo botry madinika mpitatitra hazo sy entam-barotra hafa miala ao Mahajanga mankany amin’ireo kaominina manodidina, faritra Boeny. Manome asa maro ny fitateran-kazo. Ankoatra ireo mpitatitra izany an-tsambo, ao ireo mpivarotra mpamongady efa manana kaomandy mialoha; ireo mpibata miampy ireo mpitatitra amin’ny sarety na posy.

Ilàna fanavaozana amin’ny lafiny maro ny fitateran-kazo ataon’ireo sambo ireo, manomboka any amin’ny toerana nialany sy ny fanaraha-maso eo amin’ny fahatongavany. Tokony hisy antontanisa mazava momba izany mba handraisana fepetra  ho fiarovana ny ala.

R.Mathieu

Les commentaires sont fermées.