Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fiahiana ny fahasalamana : hajoro ny ivontoeran’ny fitsaboana nentim-paharazana

Fiahiana ny fahasalamana  : hajoro ny ivontoeran’ny fitsaboana nentim-paharazana

Tafapetraka ny vatofehizoro. Hametraka ivontoerana ho an’ny fitsaboana nentim-paharazana eny Ambohitrarahaba ny fikambanan’ireo mpitsabo nentim-paharazana (Astrama). “Natao, hanabeazana sy hamolavolana ireo tanora  mpitsabo ary koa hitehirizana ny vakoka sy ny kolontsaina ara-pahasalamana izany. Tafiditra amin’ny faha-20 taon’ny Astrama koa”, hoy izy ireo, omaly. Voatsiahy fa mbola manana ny toerany ny fitsaboana nentim-paharazana. “Mampianatra, mitaiza sy mitsabo ary andry iainkinan’ny soatoavina malagasy ihany koa”, hoy ireo nandaha-teny. Voafaritra ao anatin’ny politikan’ny fahasalamana ary anisan’ny sehatry ny asa tanana 14 voalohany ity fitsaboana ity, araka ny nambaran’izy ireo. Misedra olana anefa ny Astrama, manoloana ny fahasimban’ny tontolo iainana ka mbola hangataka  fiaraha-miasa amin’ny minisiteran’ny Tontolo iainana sy ny ala.

Etsy andaniny, tsy afa-misaraka amin’ny fitsaboana maoderina ity karazam-pitsaboana ity, saingy manana ny sata manokana mifehy azy ary voafehin’ny lalàna momba ny fahasalamam-bahoaka.

Synèse R.

Les commentaires sont fermées.