Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Fitaterana an-dranomasina : handray ny IOLP 2017 ny Spat

Fitaterana an-dranomasina  : handray ny  IOLP 2017 ny Spat

Misokatra rahampitso 22 marsa  sy 23 marsa ao amin’ny Carlton ny  fampiantranoan’ny orinasa mpitantana ny seranan-tsambon’i Toamasina (Société du port à gestion autonome de Toamasina  – Spat ) ny fampahalalana momba ny tontolon’ny fitaterana an-dranomasina sy ny enti-miasa rehetra ao aminy aty amin’ny ranomasimbe Indianina (Salon des ports et de la logistique de l’océan Indien – IOLP). Mikarakara izany fotoan-dehibe izany ny Transport event management.

Ifaneraseran’ireo matihanina iraisam-pirenena eo amin’ny sehatry ny fitaterana an-dranomasina io fotoana io. Ho hita amin’izany ny tranoheva maherin’ny 30, manaraka ny fenitra iraisam-pirenena, handraisan’ny Malagasy sy vahiny anjara miisa 300 mahery. Hisy koa ny famelabelaran-kevitra ataon’ireo manampahaizana manokana miisa 35, hadika mivantana amin’ny teny frantsay sy anglisy.

Raha eto Madagasikara, santionany aty amin’ny ranomasimbe Indianina ny seranan-tsambon’i Toamasina amin’ny halehibeny, notokanana ny taona 1935. Miainga avy ao ny raharaham-barotra maro eto an-toerana ary ankehitriny, ao amin’ny Spat avokoa ny 35 % ny asa mivantana ao Toamasina, ankoatra ireo asa mifandray aminy.

R.Mathieu

Les commentaires sont fermées.