Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Misaona ny fanabeazana sy soratra : nodimandry Rtoa Juliette Ratsimandrava

Misaona ny fanabeazana sy soratra : nodimandry Rtoa Juliette Ratsimandrava

Tamin’ny faramparan’ny taona 2015 no nanomboka tsy salama Rtoa Juliette Ratsimandrava. Omaly maraina tokony ho tamin’ny 7 ora, nindaosin’ny fahafatesana ity andrarezin’ny soratra sy ny fanabeazana ity. Mpikambana mahefa ao amin’ny Akademia malagasy izy. Filohan’ny sokajy voalohany « Haikanto sy hailaza ». Tale jeneralin’ny foibe momba ny teny an’ny Akademia malagasy. Mpampianatra mpikaroka eny amin’ny oniversiten’Antananarivo. Mpahay tantara.

Nanao fikarohana maro ity « Oloben’ny teny sy ny soratra » ity. Anisan’ny goavana indrindra amin’izany ny nivoahan’ny « Rakibolana Rakipahalala » izay izy no nitarika ny ekipa nanatontosa izany. Boky lehibe ahitana pejy hatrany amin’ny 1144. « Efa tapitra tanteraka izy io amin’izao », hoy i Hajaina Naomy, filohan’ny Havatsa-Upem.

Ho an’ireo mpiara-miasa aminy sy ny olona mahafantatra azy, olona niaina tao anaty fahatsorana izy. Sariaka sy be fitiavana. Tia mifanakalo hevitra. Manome sosokevitra sady mandray am-pitiavana ny teny lazain’ny olona miresaka aminy.

Mirary fiononana feno ho an’ny fianakaviany manontolo ny Gazety Taratra.

HaRy Razafindrakoto

Les commentaires sont fermées.