Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Asa fanaovan-gazety : mpanolotra vaovao 8 mianadahy nahavita fiofanana

Asa fanaovan-gazety  : mpanolotra vaovao 8 mianadahy nahavita fiofanana

Mpanao gazety, miisa 8 mianadahy no nahatontosa fiofanana, mahakasika ny tontolon’ny fanoloram-baovao amin’ny fahitalavitra. Nizara ny traikefany, tamin’izany, Jean-Claude Allanic, ilay mpanolotra vaovao tao amin’ny France 2. Maro ny lohahevitra nodinihina sy nohalalinina, nandritra ny herinandro niatrehan’izy ireo izany, toy ny fomba fipetraka, manoloana ny «camera», ny fitondrana adihevitra, ny fampitam-baovao tselatra. Narahina fampiarana hatrany moa ny torohevitra nomen’i  Jean-Claude Allanic. Nitondrana fanankianana ho fanitsiana ihany koa izany.

«Nahitana zava-baovao betsaka sy fomba fiasan-dry zareo any am-pita, ny fiofanana. Mety ampiarina tsara amin’ny fanoloram-baovao ny zavatra norantovina teto», hoy David mpanao gazetin’ny Kolo TV, anisan’ireo nanaraka fiofanana.

Tetsy an-kilany, tsy nanafina ny hafaliany ny amin’ny fahakingan’ireo mpiofana, Jean-Claude Allanic, amin’ny fahaizan’izy ireo mandray izany.

Nifanindran-dalana, tamin’ity koa ny an’ireo mpikirakira ny tranonkalam-pifandraisana izay notarihan’i Thierry Sabin.

Marihina fa anisan’ny vy nahitana sy angady nananana, ka nahazoana izao fiofanana izao ny Gepimm sy ny fiaraha-miasany amin’ny Africamedia, any Tours France 24 Nambaran-dRtoa Lalaina Andriantsitohaina Vital, filoha lefitry ny Gepimm fa hitohy ny 24 ka hatramin’ny 28 oktobra izao ny fiofanana ka mahakasika ny Radio sy ny fototry ny fanaovan-gazety ny lohahevitra amin’izany.

Tompondaka

Les commentaires sont fermées.