Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Flash
Préc Suiv

Mpivarotra sy mpifoka rongony : olona efatra naiditra am-ponja

Mpivarotra sy mpifoka rongony  : olona efatra naiditra am-ponja

 Naiditra am-ponja afakomaly ireo olona efatra voarohirohy ho mpivarotra sy mpifoka rongony voasambotry ny zandary avy ao amin’ny borigadin’Itaosy, ny asabotsy teo. Araka ny fanazavan’ny zandary, nahazo loharanom-baovao izy ireo momba ny fisiana tovolahy iray mivarotra rongony antsinjarany mivezivezy amin’iny faritra iny. Nanao ny fanamarinam-baovao avy hatrany ny zandary ka sarona ilay tovolahy. Rehefa nosavaina izy, fonosan-drongony miisa enina no tratra tany aminy. Nilaza kosa izy nandritra ny fakana am-bavany azy fa mpifoka ihany izy ary olona mpamongady iray ao Antohomadinika no mpamatsy azy. Nidina teny an-toerana indray ny zandary ary nanao ny fisavana ny tranon’ity farany, rongony efa maina iray gony milanja 30 kg no tratra tao aminy. Tratra ihany koa ny tovolahy roa mpanjifany.

J.C

Les commentaires sont fermées.