Flash
Préc Suiv

Edito Taratra

Mitranga mihemotra…

Mitranga mihemotra…

Tena manao lelon-jaza… Hiditra amin’ny herinandro fahatelo amin’ny fampielezan-kevitra, efa nahavita tanàna sy kaominina ary distrika maro ireo kandidà sasany. Ny hafa kosa, mivoaka miditra sy tsy mazava amin’ny tiany ahatongavana… nefa mirotsaka hofidina. Tadiavina sy tsongolohina avokoa izao rehetra izao ary arangaranga ny tsy fankasitrahana ny fifidianana sy ny filazana ho misy paika maloto, […]

Midedaka…

Midedaka…

Gasy mazava tsara, tena ao anaty rakibolana ny hoe “midedaka”. Ny dikany dia hoe mipingapinga te hisehoseho, te hoderaina… Iza no midedaka ? Iza indray fa tsy ity fitondrana ity, indrindra ny ao amin’ny Fiadidiana ny Repoblika ao, raha nandray ireo mpilalaon’ny Barea, teny amin’ny Lapan’Ambohitsorohitra, afakomaly. Efa nampoizin’ny rehetra rahateo izany, fa tsy maintsy […]

Ny fahantarana mazaka maniraka…

Ny fahantarana mazaka maniraka…

Ny fahantrana, hono, mahazaka maniraka, na mety hahafaty, hahavery aza, atao ihany ! Izay amin’ny ankapobeny ny zava-mitranga eto amintsika amin’ny lafin-javatra maro. Mahantra loatra ny vahoaka malagasy ka hararaotin’ny sasany. Ohatra amin’izany, ireo tovovavy alefa aondrana any ivelany ireo. Azo antoka fa na eo aza ny fandresen-dahatra ny lafin-javatra tsara amin’ny asa, na fampanambadiana any […]

Fandresena iaraha-manana… Mila tohizana !

Fandresena iaraha-manana… Mila tohizana !

Poa toa izay, nanakoako eran-tany ny zava-bitan’ny Barea de Madagascar ! Sambany teo amin’ny tantaran’ny baolina kitra no hiatrika ny fiadiana ny ho tompondakan’i Afrika (Can) ny ekipam-pirenena malagasy. Lavon’ny Barea de Madagascar tamin’ny isa tokana 1 no ho 0 tetsy amin’ny kianja Vontovorona, teo amin’ny lalao miverina ho an’ny andro fahatelo, amin’ny fifanintsanana isam-bondrona ny […]

Mpamboly… korontana

Mpamboly… korontana

« Raiamandreny avy amin’ny faritra rehetra eto Madagasikara…”, hono izany ry zareo e. Tsy izay ihany. Hoe misy “olom-pirenena… maro” koa, hono. Nivorivory teny Ambohimanarina teny izy ireo, tamin’ny herinandro ambony lasa iny, ary niketrika ny hanangana izany “fanjakana gasy” izany. Raha lazaina amin’ny teny mazava, tena fikomiana, fikasana hanongam-panjakana tsotra izao. Asa aloha, ray aman-drenin’iza […]

Misy mahita tombontsoa amin’ny korontana…

Misy mahita tombontsoa amin’ny korontana…

« Tsy misy mahita tombontsoa amin’ny korontana. » Fiteny tato ho ato io, manoloana ny fanahiana korontana mialoha na mandritra na aorian’ny fifidianana. Marina tanteraka ve ny hoe: « Tsy misy mahita tombontsoa amin’ny korontana »? Na ahoana na ahoana, eo hatrany ny hoe: ny fahorian’ny hafa, fifaliana ho an’ny sasany. Misy izany ny mahita tombontsoa amin’ny korontana? Na […]

Eo ny tsirairay handinika sy hitsara…   

Eo ny tsirairay handinika sy hitsara…   

Anisan’ny hirahiraina hatramin’izay ny hoe fanovana sy fiovana, rehefa te hahazo ny fon’ny vahoaka. Eny, hatramin’izao aza izany, indrindra amin’izao fifidianana izao, rehefa te hahazo ny vaton’ny mpifidy. 60 taona izao ny Repoblika ary 58 taona ny Fahaleovantena, tsy hita be ihany izay hoe fandrosoana ho an’ny vahoaka ifotony. Nahoana? Mitranga mihemotra hatrany ny raharaha […]

Mba hataovy matotra e !

Mba hataovy matotra e !

Andro vitsy izay no lasa tamin’ny fotoana fampielezan-kevitra amin’ity fifidianana filoham-pirenena ity. Samy manao izay heveriny ho mety, na amin’ny toerana nosafidina haleha, amin’izao fiandohany izao, na amin’ny paikady enti-mandresy lahatra ny vahoaka, na amin’ny fitaovana ampiasaina ho fanatrarana izany… Samy manao izay tratry ny volany. Toy ny mpijery baolina ny vahoaka, mitazana ny fihetsika […]

Loza mitatao ! 

Loza mitatao ! 

Miova tokoa ny toetr’andro. Raha taona maromaro lasa izay, zara raha nisy ny rotsak’orana amin’ny fanombohan’ny volana oktobra, nitsimbadika izany ankehitriny. Nitondra hatsiaka mihitsy ny fiavian’ny orana ka nahazo aina kely ny mponina an-tanàn-dehibe, sempotry ny hafanana, ny fofon’ny fako tsy voaraoka intsony, ny tabataban’ny fampielezan-kevitra, ny fitohanan’ny fifamoivoizana toy mihamafy hatrany. « Tsy mbola fahavaratra […]

Fifidianana mafotaka

Fifidianana mafotaka

Tonga tokoa ny fahavaratra ! Fotoana hiavian’ny orana, ahitana ny tranga samihafa mifanaraka aminy. Mifanojo amin’izany ity fanombohan’ny fampielezan-kevitra mifanaretsaka eran’ny tanàna sy ny faritra ity. Samy manao izay ho afany ny kandidà tsirairay, ary tsikaritra fa tsy mifampitsitsy, miezaka manatsara ny endriny eo imason’ny mpifidy. Hafana satria efa hita soritsoritra ny santionany, toy ny fifampitsikerana […]

Fety sy fitaka be izao

Fety sy fitaka be izao

Manomboka ny fety, manomboka ny fety. Izay ny azo ilazana ny fandiavana ity volana oktobra ity, efa miditra sahady amin’ny herinandro faharoa. Ao anatin’ny fotoan’ny fampielezan-kevitra, ho amin’ny fifidianana ho filoham-pirenena ihany koa ny eto amin’ny firenena. Mangingina sy tsy maharototra loatra ny vahoaka ny andro roa voalohany, nanombohany izay. Eny fa na misy aza […]

Aleo hilamina…

Aleo hilamina…

Raikitra izany izao ny fampielezan-kevitra… Hanakoako any an-dohasaha sy ny tanety, hatreny an-tanana sy an-dalambe ary amin’ny kianja malalaka rehetra eny, ny kabary, ny hira sy ny fanentanana samihafa, otronin’ny mpanakanto. Arahin’ny fampanantenana izatsy sy izaroa izany satria hita sy re ary heno avokoa fa izao ny olana sy ny hetateha ary ny fanirian’ny vahoaka. […]

Gaboraraka, kiantranoantrano…

Gaboraraka, kiantranoantrano…

Tsy mety tapitra ny resabe mikasika ilay hoe hanoloana, na hanavaozana indray ny “permis biométrique” sy ny “carte grise biométrique” ho tena manaraka ny fenitra iraisam-pirenena. Isan’andro, mavaivay ny fanehoan-kevitra mitsikera ny tompon’andraikitra nisahana izany, any anatin’ireny tambajotra sosialy ireny sy amin’ny alalan’ny antso an-telefaonina re amin’ireo radio samihafa. « Tena fandrebirebena izao ! », hoy ny sasany. […]

Fanaovana tsinontsinona !

Fanaovana tsinontsinona !

Anjakan’ny kolikoly sy ny gaboraraka ary koa ny tsy fahaiza-mitantana ny fitondrana eto. Zary afa-bela fotsiny ny tompon’andraikitra nefa nanalika vahoaka sy nanao tsinontsinona  ireo nikarakara « carte  grise » sy « permis ». Efa nandany vola sy fotoana teny Ambohidahy tamin’ny fanaovana ilay hoe karatra biometrika teo aloha ireo nanao  izany.  Nohitrikitrihin’ireo tompon’andraikitra tamin’izany teo ambany fitarihan’ilay efa […]

Gaboraraka…

Gaboraraka…

Asa na variana amin’ny fanomanana fifidianana ny tompon’andraikitra samy hafa eto amin’ny tanàna fa hita fa gaboraraka tanteraka ny zava-misy eny rehetra eny. Samy manao izay tiany ny rehetra, manao izay danin’ny kibony ny mpanendaka, ny mpangarom-paosy, ny mpanabanaka finday, sns. Gaboraraka, noho izany, ny fivarotana ireny entan’olona, na findain’olona very, ireny amin’ny faritra maro […]

Mahitsy ambadika !

Mahitsy ambadika !

Hafahafa ihany ny maheno izany, saingy tena misy tokoa. Mahitsy tokoa ry zareo vahiny ireto raha hanampy an’i Madagasikara. Amin’ny lafiny maro mihitsy fa tsy zava-tokana araka ny iheveran’ny sasany azy. Fanomezana omena ny Malagasy, ao ny tsy haverina fa misy kosa ireo trosa mitatao eo ambony lohan’ny taranaka faramandimby. Mila hevitra handaminan-draharaha ny samy […]

Sarobidy ny safidy

Sarobidy ny safidy

Manomboka tsikelikely ny adihevitra mikasika ny fifidianana. Malalaka ny fanehoan-kevitra, saingy ilay hevitra tohanana, indraindray, no “hafahafa”, na tsy misy mihitsy. Tsikaritra izany any amin’ny tambajotran-tserasera samihafa any. Safidy moa io, tsy misy ifanomezan-tsiny, saingy tsy tokony hohadinoina fa sarobidy izany. Ny safidinao no hampitombo ny isam-bato, mety hahalany ny kandidà heverinao fa hampandroso ny […]

Famendrofendroana…

Famendrofendroana…

Vavan’ny tsy manan-katokona sy lany bala, ka ny eo ihany no averimberina. Izay no azo ilazana ireo antoko, na vondron’olona mbola mihirahira sy midradradradra hatrany ny amin’ny tsy tokony hirosoana amin’ny fifidianana. Ny fifidianana filoham-pirenena izany. Tsy any intsony, ary efa tsy tokony ho izay intsony anefa ny resaka, raha ny fandehan’ny toe-draharaha ankehitriny. Tsy […]

Roso tsa mipody koa…

Roso tsa mipody koa…

Tsy azo ihodivirana fa roso tsa mipody koa ny fifidianana. Na tsy tena feno tanteraka avokoa aza ny fepetra rehetra, tsy tokony hiseho intsony ny sakana. Mandeha ny mandeha… Mandeha ny fanomezan-toky avy amin’ny tompon’andraikitra mpikarakara. Tahaka izany koa ireo rehetra voakasika izany. Hatramin’ny avy any ivelany aza, mahita fa miroso isika… Na izany aza, […]

Hitohy ve ny tetipivoarana? 

Hitohy ve ny tetipivoarana? 

Efa nirosoana ny fanavaozana ny fanabeazana eto amintsika, nanomboka tamin’ity taom-pianarana ity 2017-2018 ity. Nahemotra isan-taona ny fisantarana ny taom-pianarana ka ny volana novambra vao hiroso amin’izany ny sekolim-panjakana sy ny tsy miankina izay manaraka ny rafi-pampianarana malagasy. Tanjona ny hanemorana izany miandalana ka hahazoana ny fidirana ny volana marsa ny taona 2022, araka ny […]

Ny iray, maka bahana; ny telo, efa lasa…

Ny iray, maka bahana; ny telo, efa lasa…

Raikitra! Efa mirona tanteraka any amin’ny fampielezan-kevitra isika, na tsy mbola ao anatiny aza. Tsy misy fanemorana ny fifidianana izany intsony, raha tsy hoe misy sompatra hafa tsy azo anoharana angaha. Ny pesta manangasanga no natahorana hanakana ny fifidianana noho ny fitoriana sy ny hetsika nandamoka nataon’ireo mpanao politika sasany. Mampanahy, saingy tsy mbola atahorana […]

Ho tanteraka ny nofy

Ho tanteraka ny nofy

“Aza variana amin’ny lavitra ka tsy mahita ny ambany maso”, hoy ny fiteny. Mazava izany! Fantatry ny tsirairay tsy mila fanazavana lalina ny hoe “andanavandrom-piainana”. Mpahazo antsika tokoa, ny mieritreritra ny ampitso, ny manofy, ny manana faniriana sy ny fanantenana amin’ny endriny samihafa, hanatsara kokoa ny fiainana rahampitso mihoatra amin’ny anio. Amin’iny variana iny no […]

Aleo hitsara ny tantara…

Aleo hitsara ny tantara…

Hanao ahoana ihany ny fifidianana filohan’ny Repoblika amin’ny 7 novambra? Iray volana mahery sisa… Amin’izany, eo hatrany ny fanatsatsoana sy ny fanapepoana, ny fanoherana sy ny fanakanana, ny fiandrasana kendry tohina… Tsy mampiombona tokoa ny fifidianana fa fifanalana hazakazaka ka samy manao izay afany sy efany? Izay hita sy re rehetra, toa inona avokoa; eny, […]

Tsy misy afa-tsy fifidianana izao… .

Tsy misy afa-tsy fifidianana izao… .

Tsy misy afa-tsy fifidianana ny vaindohan-draharaha sy mahamaika amin’izao? Na izay no hoe antom-pijoroan’ny governemanta amin’izao… Toa hadino sy tavela ho azy ny fiainan’ny vahoaka ifotony, indrindra izay manahirana sy mampikaikaika azy isan’andro. Lehibe sy voalohany amin’izany, ohatra, ny tsy fandriampahalemana: tsy an-tanàn-dehibe, tsy any ambanivohitra, tsy an-dalam-pirenena aza. Miara-dalana amin’izany ny fandrobana tany etsy […]

Dina… vinavina hitsarana kandidà  

Dina… vinavina hitsarana kandidà  

Tsy misy na tsy ampy ny lalàna, tsy hajaina na tsy ahoana? Na tsy misy izay etika sy fitsipi-pitondran-tena amin’ny fanaovana politika, indrindra amin’ny fiatrehana fifidianana. Kibo mitsara tena ny tsirairay, indrindra ireo mpanao sy mpilalao politika. Na ahoana na ahoana: misy zava-mandringa mety mamandrika, matoa mivoaka amin’izao ankatoky ny fifidianana izao ny hoe dina […]