Flash
Préc Suiv

NS Malagasy

Asa soratra : « Madame à la campagne », boky vaovaon’i Michèle Rakotoson

Asa soratra : « Madame à la campagne », boky vaovaon’i Michèle Rakotoson

Loharanon’aingam-panahy toa tsy ho ritra ny andavanandrom-piainan’ny Malagasy ho an’ny mpanakannto. Anisan’izany i Michèle Rakotoson, anisan’ny sangany eo amin’ny asa soratra ary misongadina amin’ny maha mpanoratra frankofonina azy. Nampahafantarina, ny asabotsy maraina teo tetsy amin’ny Institut français de Madagascar (IFM) etsy Analakely, ny fivoahan’ny boky « Madame à la campagne, chroniques malgaches », nosoratan’i Michèle Rakotoson ary […]

Hanomboka ny asa : haverina ho zaridaina eo Anosy

Hanomboka ny asa : haverina ho zaridaina eo Anosy

 Ho fanatsarana ny tanàna, hikarakara ny toerana malalaka etsy Anosy manakaiky ny farihy ny fiadidiana ny Repoblika miaraka amin’ny vadin’ny filoham-pirenena. Havaozina ho lasa zaridaina mahafinaritra io toerana rehetra io (izay ataon’ny olona fanariam-pako, amin’izao fotoana izao). Sady horavahana voninkazo sy hazo no asiana toerana fipetrapetrahana maro ho an’ny mpitsangantsangana na mpandalo fotsiny. Ho fanampiana […]

IFM – Fampirantiana  : maneho ny any « Atsimo » i Rijasolo

IFM – Fampirantiana  : maneho ny any « Atsimo » i Rijasolo

« Tsy afaka hilaza ho mahafantatra tsara iny faritra atsimo iny aho », hoy i Rijasolo, mpanakanto matihanina amin’ny fakana sary. Na izany aza, voasarik’izany toerana izany ny lehilahy, nandalo tany matetika ary nitahiry an-tsary ny zava-nisy, ny « sendra nandalo », ny mahaliana ary ny mampisongadina iny faritra iny. Araka izany, « Atsimo » no lohahevitr’ity angon-tsarin’i Rijasolo ity, izay […]

Toamasina : ifanotofan’ny sambo mpanao soa ny tanàna  

Toamasina : ifanotofan’ny sambo mpanao soa ny tanàna  

Saika nifanotofan’ ireo sambo lehibe eran-tany manao asa soa ny seranan-tsambon’ i Toamasina tato ho ato. Raha efa hananika ny faharoa taony ny nahatongavan’ ny sambo hopitaly Merci Ships, tonga ny 20 desambra teo kosa ny sambo « Logos Hope« , anisan’ny lehibe indrindra misahana fivarotam-boky mandehandeha mitety ny vazantany efatra eran’ izao tontolo izao. Sambo anatin’ […]

Trano filanonana : nihena ny fanjifana ny trano filanonana

Trano filanonana : nihena ny fanjifana ny trano filanonana

Mbola tafiditra ao anatin’ny fotoan’ny fifampiarahabana sy ny fifamangian’ny mpianakavy, mpiara-miasa, fikambanana, mpiara-mivavaka… ity volana janoary manontolo ity. Miitatra hatrany amin’ny faran’ny volana marsa any mihitsy aza izany fifampiarahabana noho ny taona vaovao izany. Isan-taona, efa feno hatramin’ny faran’ny volana marsa ny fandaharam-potoan’ireo trano filanonana eto Antananarivo sy ny manodidina. Ankoatra ny mariazy, izay be […]

Analanjirofo sy Sava : ho betsaka ny rotsak’orana

Mbola nahazo filazana fampitandremana amin’ny habetsahan’ny rotsak’orana amin’ity fiandohan’ny herinandro ity ny faritra Analanjirofo sy Sava. « Mila mitandrina, noho izany ny mponina eny amin’ny faritra iva manakaiky ny renirano samihafa amin’ny fiakaran’izy ireny tampoka », hoy ny sampana mpamantatra ny toetry ny andro. Mety hahatratra hatramin’ny 50 mm mandritra ny 24 ora ny refin’ny rotsak’orana ho […]

Angovo azo havaozina : tsy ho mora ny hanatanterahana azy

Angovo azo havaozina : tsy ho mora ny hanatanterahana azy

 Paikady voizina ankehitriny ny hoe “Tetezamitan’ny angovo”. Raha ny zava-misy eto Madagasikara, sarotra ny hananana izany ato anatin’ny fotoana fohy noho ny antony maro, toy ny vola ampiasaina, ny masonkarena ary indrindra, ny tombom-barotra ho an’ny mpamokatra. Mora tenenina! Samy mametraka vina avokoa ny sehatra isan-tsokajiny. Ampifanandrifiana amin’ny tontolo misy eran-tany izy ireny matetika, indrindra […]

Solika amerikanina : ho potika ny tsenan’i Arabia Saodita

Solika amerikanina : ho potika ny tsenan’i Arabia Saodita

Diso kajy ! Araka ny fanadihadiana nataon’ny manampahaizana ara-toekarena maro, indrindra ny lafiny solika, hanana krizy goavana tsy mbola nisy hatramin’izay i Arabia Saodita. Raha ny vinavina, efa manomboka hita taratra izany ankehitriny amin’izao fitotongan’ny vidin’ny barila izao, fa afaka 10 taona fara-fahaelany vao tena ho tena mafy. Antony, tsy nampoizin’i Arabia Saodita ny famokarana solika […]

Judo – Hakudokan : nampiakatra “grade” ireo mpikatrony

Judo – Hakudokan : nampiakatra “grade” ireo mpikatrony

Tontosa ny faran’ny herinandro teo ny hetsika fifampiarahabana nahatratra ny taona teo amin’ny kliobana judo, Hakudokan. Toy ny isan-taona sy ny fanaon’izy ireo, fifampiarahabana araka ny fomba japoney no natao tamin’izany. Araka izany, nisy ihany koa ny fampiakarana “grade” ho an’ireo mpikatroka eo anivony. Narahina fampisehoana kata sy ireo fombafomba fanao eo amin’ny taranja judo […]

Boxe – J.O 2016 : hatao any Cameroun ny fisokajiana afrikanina

Boxe – J.O 2016 : hatao any Cameroun ny fisokajiana afrikanina

Mazava. Hotanterahin’ny kaonfederasiona afrikanina eo amin’ny ady totohondry (CAB) miaraka amin’ny Afrique Boxing Competition na AFBC, ny volana marsa izao, any Cameroun ny fifaninanana fisokajiana Olympika eo amin’ireo mpikatroka afrikanina. Ho an’i Madagasikara manokana, nambaran’ny filohan’ny federasiona malagasy (FMBO), Rabarisoa Hery Mamy, fa efa manomana ireo mpikatroka izy ireo. Raha ny fanazavana mantsy, tsy maintsy […]

Kitra – «Chan 2016» : resin’i Roandà ny Elefantan’i Côte d’Ivoire

Kitra – «Chan 2016» : resin’i Roandà ny Elefantan’i Côte d’Ivoire

Tamin’ny isa tokana, 1 noho 0, no nandresen’i Roandà ny Elefantan’i Côte d’Ivoire, ho an’ny sokajy «A», teo amin’ny andro voalohany amin’ny fiadiana ny ho tompondakan’i Afrika, ho an’ireo mpilalao tsy matihanina na ny “Chan 2016”. Fihaonana izay notontosaina tao amin’ny kianja Roandà, ny asabotsy lasa teo. Tsy nampoizin-dry zareo Ivoarianina mihitsy ny lalao nasehon’ny […]

Basikety – Coupe du Président : hiditra amin’ny andiany faharoa ny hetsika

Basikety – Coupe du Président : hiditra amin’ny andiany faharoa ny hetsika

Raikitra. Araka ny fandaharam-potoan’ny federasiona malagasin’ny basikety (FMBB), hiditra amin’ny andiany faharoa ny hetsika nasionaly “Coupe du Président” amin’iny volana febroary iny. Araka izany, hanomboka ato ho ato ireo fifaninanana isam-paritra hisokajiana ireo ekipa hiatrika ny famaranana eto Antananarivo. Toy ny mahazatra ihany mantsy, mizatra faritra efatra i Madagasikara amin’ny fifanintsanana ka amin’ireo no hamoahana […]

Tenisy – «Afrique Australe 2016» : laharana fahefatra i Madagasikara

Tenisy – «Afrique Australe 2016» : laharana fahefatra i Madagasikara

Tsy nampitsanga-menatra ny vokatra azon’i Madagasikara, teo amin’ny fiadiana ny ho tompondakan’i Afrika Aostraly, taranja tenisy, ho an’ny sokajy zandriny U16 lahy sy vavy. Nahazo ny laharana fahefatra ny Malagasy. Nifarana ny asabotsy lasa teo, tao Pretoria, Afrika Atsimo, ny fiadiana ny ho tompondakan’i Afrika Aostraly, eo amin’ny taranja tenisy. Fifaninanana ho an’ireo sokajy U16. […]

Rugby – Analamanga : tompondaka ny 3FB

Rugby – Analamanga : tompondaka ny 3FB

Nandrombaka ny ho tompondakan’ny ligin’Analamanga, taranja rugby na ny « Top 14” ny ekipan’ny 3FB. Resiny, teo amin’ny famaranana, tamin’ny isa tery 24 noho 22 ny Cosfa. Fihaonana izay notontosaina, omaly,tetsy amin’ny kianja Makis Andohatapenaka. Niady ny fihaonana ary nahafinaritra ary nahitana endri-dalao mahafinaritra sy teknika ambony. Samy nahatonga baolina nentin-tanana avokoa ny roa tonta. Nifandimbiasana […]

Fihaonana an-tampon’ny Frankofonia : hanampy antsika amin’ny fampitaovana sy filaminana i Kanada 

Fihaonana an-tampon’ny Frankofonia : hanampy antsika amin’ny fampitaovana sy filaminana i Kanada 

Manao ranolava ny fanohanana sy ny fanampian’ireo firenen-tsamihafa ny handraisantsika ny fihaonana an-tampon’ny Frankofonia (OIF). Naneho fahavononana hitondra ny anjara birikiny koa i Kanada.   « Noresahina ny fiaraha-miasan’ny firenena roa tonta sy hanampiana ary hanohanan’i Kanada miaraka amin’ireo firenen-kafa, handraisana ny fivorian’ny OIF. Vonona ny hanampy amin’ny sehatra samihafa, toy ny arofenitra sy ny fampitaovana ary […]

Fikaroham-bahaolana : hanohy ny dingan’ny fampihavanana ny FFKM

Fikaroham-bahaolana : hanohy ny dingan’ny fampihavanana ny FFKM

Hotanterahina, ny alahady izao, ny fotoam-pivavahana iraisam-pinoana hitondrana am-bavaka ny firenena, efa fanaon’ny Fiombonan’ny fiangonana krisitianina eto Madagasikara (FFKM) isaky ny fiandohan’ny taona.       Fotoana koa io hamindrana ny fitantanana ny fitarihana ity rafitra iombonan’ny fiangonana efa-tonta ity ka hanoloran’ny mpitandrina, Rasendrahasina Lala eo anivon’ny FJKM , filoha am-perinasa ny fanevan’ny FFKM amin’ny pastora Rakoto […]

Fifidianana filoham-pirenena : ho kandidà i Gangstabab

Fifidianana filoham-pirenena : ho kandidà i Gangstabab

 « Ho kandidà amin’ny fotoana mahamety azy aho. Tsy ho amin’ny taona 2018 anefa fa vao miomana sy hiomana amin’ny fanaovana politika izahay », hoy ny filoha mpanorina ny Antoko politika madio (APM), Rakotoarisoa Faniry Alban na i Bàbà, fantatra amin’ny maha mpanakanto azy, Gangstabab,  ny asabotsy teo tetsy amin’ny PK 0, Antanimena. Nambarany fa ho hery […]

Hitsy Toraka : miady irery

Tsy afa-kivoatra mandrakizay. Izay no azo hamehezana ny tontolon’ny fanatanjahantena malagasy. Tsy takona afenina fa mibaribary avy hatrany ny fanaovana an-kilabao ny fanatanjahantena. Toa very hasina mihitsy aza ity fitaizana tanora ity ankehitriny. Ireo tompon’andraiki-panjakana, manomboka any amin’ny filohan’ny Repoblika, mandalo governemanta, variana fotsiny amin’ny fifanenjehana sy ny fanasaziana isan-tsokajiny fa tsy mba nisy nieritreritra […]

Fantina sy fintina

Noraisin’ny filoha Rajaonarimampianina nifampitafatafa aminy teny Iavoloha ireo andiany faha-10 avy amin’ny CEDS, ny zoma teo, teny Iavoloha. Nivoitra tamin’izany ny fifanakalozana sy ny adihevitra momba ny raharaham-pirenena. Fotoana koa io nifampiarahaban’ny roa tonta noho ny taona vaovao. Nitarika izany ny delege jeneralin’ny CEDS, Rasoarahona Solofo. Maherin’ny 300 ireo kandidà nanatitra ny antontan-taratasy hotendren’ny filoham-pirenena […]

Posy sy sarety teny Anosy sy Anosibe : nalan’ireo mpitandro filaminana teny amin’ny arabe

Nanao be midina tampoka nanala ireo mpitarika posy sy sarety tarihin-tanana teny Anosy sy Anosibe ny mpitandro filaminana, ny asabotsy teo. Nosakanana ireo posy sy sarety rehetra nandeha teny an-toerana ary rehefa nitoby nandritra ny ora roa, nampakarina tanaty fiaraben’ny mpitandro filaminana ary nogiazana mandra-pahaloan’ireo tompony ny sazy nolazaina fa mitentina 40.000 ar. Mitaraina ireo […]

Fanaovana hosoka visa : naiditra am-ponja ny ramatoa atidoha

Naiditra am-ponja vonjimaika eny Antanimora, rehefa niatrika ny famotorana ataon’ny mpitsara mpanao famotorana, ny ramatoa iray atidoha tamin’ny fanaovana visa hosoka ana vazaha iray tany Antsirabe. Mbola hiverina hiatrika ny mpitsara izy io ny 21 janoary ho avy izao. Araka ny fanazavana avy amin’ny mpitory, solontena raikitry ny EBDM Antsirabe ity ramatoa, ary tao aminy […]

Nahitana “Cocktail Molotov” : niniana nodorana ny Jirama Fianarantsoa

Nahitana “Cocktail Molotov” : niniana nodorana ny Jirama Fianarantsoa

Nohamafisin’ny mpitandro filaminana fa niniana nodoroana ny biraon’ny Jirama any Fianarantsoa. Hita tao an-toerana ny porofo rehetra fa notorahana Cocktail Molotov sy lasantsy ny biraon’ny tale… Mandeha ny fanadihadiana mikasika ilay fahamaizan’ny birao maromaro ao amin’ny Jirama Tsianolondroa Fianarantsoa ny zoma lasa teo. Araka ny vaovao nampitain’ny zandary, nisy nanapitsoka ny varavaram-pitaratry ny talen’ny Jirama […]

Tsiazotafo : Sinoa nendahina jiolahy, voasambotra ny roa

Notafihina jiolahy maromaro tsy fantatra mazava ny isany ny Sinoa hamonjy fodiana teny Tsiazotafo ny alahady teo tokony ho tamin’ny 11 ora antoandro. Nendahin’ireo ny kitapo teny amin’ireo sinoa ary nitsoaka ireo olon-dratsy. “Tao anatin’ny fotoana fohy no nitrangan’izany, nitondra fitaovana, mety ho basy ireo jiolahy. Nanenjika ihany anefa ny olona rehefa raikitra ny antsoantso”, […]

Minia mikipy sa tsy te hahalala ?

Minia mikipy sa tsy te hahalala ?

Manahy ny tompon’andraikitry ny Jirama any Fianarantsoa fa hai-trano niniana natao no nahamay ireo birao anankiroa any an-toerana, ny herinandro lasa teo. Voalaza fa efa mandeha izao ny fanadihadiana mikasika izany ka ho hita eo ny fizotrany. Fa raha dinihina ny zava-misy amin’ny ankapobeny, tsy mahagaga mihitsy raha hitombina ny ahiahin’izy ireo. Mandraka ity mantsy […]