Mbola raharaha iray amin’ireo 18  nahavoarohirohy azy izao nahazoan-dRazaimamonjy Claudine  fahafahana madiodio  izao. Na  izany aza, mbola mijanona ao am-ponja vonjimaika any Manjakandriana izany, ity mpandraharaha akaiky ny fitondrana  ity, satria mbola misy  raharaha 17 izany mbola miandry azy.  Niakatra fitsarana  (Pac) 67ha, omaly izany ary anisan’ny nahazo fahafahana  tahaka  azy  koa ny tompon’andraikitra misahana ny tsenam-baro-panjakana (PRMP). Mbola any am-ponja kosa ilay ben’ny Tanànan’Ambohimahamasina, anisan’ny voarohirohy amin’izao tranga fanodinkodinam-bolam-panjakana sy kolikoly izao, ary efa notakin’ny mpisolovava ny hamoahana azy io satria mpanatanteraka fotsiny ihany ary tsy nahalala na inona na  inona  izy io.

Tsiahivina fa efa notsaboina teny amin’ny  HJRA ny tenany rehefa safotra taorian’ny  nivoahan’ny didy tamin’izany  ny volana avrily 2017. Nalefa tany Maorisy avy eo… Naverina an-tanindrazana ary nafindra  teny  Antanimora. Niafara any Manjakandriana, nanomboka ny volana jolay 2017.

Randria