Flash
Préc Suiv

Ny mpahay lalàna, Imbiki Herilaza: « Ny praiminisitra no tena mitantana ny firenena »  

Ny mpahay lalàna, Imbiki Herilaza: « Ny praiminisitra no tena mitantana ny firenena »  

Miteraka adihevitra ny amin’ny fitantanana ny firenena taorian’ny fametraham-pialan’ny filoha sy ny fandraisan’ny mpisolo toerana vonjimaina izany.  Nitondra ny  heviny ny mpahay lalàna.

« Manoloana ny fahefan’ny praiminisitra izay avy amin’ny lalàmpanorenana, eo indrindra koa ny didy fanapahana navoakan’ny HCC, ny 25 mey: raha dinihina sy ampitahaina amin’ny fahefan’ny filoham-panjakana amin’izao sy ny an’ny praiminisitra lehiben’ny governemanta, ny praiminisitra no tena mitantana ny firenena amin’izao.  »

Izay ny fanazavan’ny mpahay lalàna, i Imbiki Herilaza, ny amin’ny fandraisan’ny filoham-panjakana mpisolo toerana vonjimaika fahefana taorian’ny fametraham-pialan’ny filoha teo aloha.

Tsy vitan’ny hoe mitantana ny firenena ny praiminisitra, satria lehiben’ny fitantanan-draharaham-panjakana, fa izy ihany koa no tomponandraikitra voalohany amin’ny fampandehanana ny raharaham-pifidianana. Raha ampitahaina ny fahefan’ny praiminisitra sy ny filoham-panjakana: marina fa  ambonimbony ny filoham-panjakana, saingy latsaka be ny fahefana manoloana ny fahefan’ny praiminisitra, araka ny nambarany.

Nandefa taratasy teny amin’ny  Fitsarana avo momba ny lalàmpanorenana (HCC) ny filoham-pirenena teo aloha fony mbola tsy niala. Nangataka mazava ny famaritana ny fahefan’ny filoham-pirenena mpisolo toerana izy. Namaritra mazava ny hevitra lah. 7 navoakan’ny HCC tamin’izany: filoham-panjakana fa tsy filoham-pirenena ny filoham-pirenena mpisolo toerana. Araka izany, voafetra ny fahefana ananany.

Mazava ny asan’ny filoha teo aloha sy ny filoham-panjakana: ny iray, filoha voafidim-bahoaka tamin’ny fifidianana nandraisan’ny dahalobe anjara mivantana; ny iray, filoha mpisolo toerana fotsiny.

R. Nd.

 

Les commentaires sont fermées.