Flash
Préc Suiv

Fitiba : « Tsy zaka intsony ny asan-dahalo… »

Fitiba : « Tsy  zaka intsony ny asan-dahalo… »

 “Efa tsy zakan’ny vahoaka intsony ny antsojay sy ny halatra ary ny famonoana ataon’ny dahalo. Tsy hiandry ny fampanantenan’ny mpitondra intsony izahay ka handray andraikitra hamongotra ny tsy fandriampahalemana”, hoy ny Fikambanan’ny terak’i Bara (Fitiba), Nakany Charly, omaly, tetsy Anosy.  Tsy hiandry ela fa hidina ifotony  ny mpikamban’ny Fitiba manomboka ny 22 desambra ho avy izao. Hanombohana izany ny ao amin’ny distrikan’i Betroka.  Hitohy amin’ireo distrika 12 hafa izany avy eo. « Tsy hanaiky lembenana intsony izahay amin’ny ataon’ireo « Mafia ». Tanjona ny hanenjika ireo mpitondra manao kolikoly ka mampahazo vahana ny asan-dahalo» , hoy Raholinarivo Paolo.  Nitondra  soso-kevitra amin’ny hanakambanana ny dina ho  iray koa izy ireo. “Mba tsy hisy fisarasarahana eo amin’ny vahoaka”, hoy  izy ireo. Nampahafantarina tamin’izany  koa ireo birao vaovao hitondra ny fikambanana Fitiba manomboka izao.

Synèse R.

Laisser une réponse

Votre adresse email ne sera pas rendue publique