Flash
Préc Suiv

Lehiben’ny faritra Analamanga : “Aoka ho mailo sy ho tony isika…”

Lehiben’ny faritra Analamanga  : “Aoka ho mailo sy  ho tony  isika…”

 Tsy afaka ny  hangina fotsiny amin’izao. “Miantso antsika vahoaka eto  Analamanga  mba ho tony. Aoka koa anefa isika ho  mailo ary hamantatra ny fiavian’ny vaovao miely ary hanontany ny tompon’andraikim-panjakana akaiky  indrindra raha misy ny tranga mampiahiahy”, hoy  ny lehiben’ny faritra Analamanga, Rakotonanahary Ndranto, omaly.

Nambarany fa efa  samy mandray ny andraikitra  tandrify azy  avokoa ny mpitondra isan’ambaratongany. Anisan’izany ny eo anivon’ny faritra, manara-maso sy mijery akaiky ary miezaka manadihady ny niaingan’ireny feo ireny. Nampitandrina rahateo ny fiadidiana ny faritra fa tsy handefitra amin’ireo  mety mbola hanao  izany eny anivon’ny fiarahamonina.  “Tafiditra ao anatin’izany ireo mamafy  lainga amin’ny vahoaka hahatonga azy  ireo hino fa tsy mahefa ny mpitantana sy ny mpitondra… Tsy hanaiky ny hanaovana fitaovana izany tsaho  izany hampisavorovoroana ny fiarahamonina sy ny vahoaka eto Analamanga izahay”, hoy  ihany izy.

Tsiahivina fa anisan’ny  nahatonga izao fanambarana  sy  fandraisana andraikitra nataon’ny faritra izao ny tsaho sy ny honohono tato  anatin’ny andro  vitsy momba ny filazana fa misy andiana mpitandro filaminana, miaraka amin’ny mpitsabo, manao an-keriny manindrona  vaksinin’ny pesta eny anivon’ny sekoly rehetra eny.

Synèse R.  

 

Laisser une réponse

Votre adresse email ne sera pas rendue publique