Flash
Préc Suiv

Fiatrehana ny 2018 : miahiahy ny lalàm-pifidianana ireo mpanao politika

Fiatrehana ny 2018  : miahiahy ny lalàm-pifidianana ireo mpanao politika

Tsy matoky ny mpitondra  intsony. Anisan’ny  nivoitra tamin’ny  fihaonan’ireo mpanao politika maromaro, nivory tetsy Antaninarenina,  izany, omaly. « Takinay  ny hijerena  sy hanaraha-maso akaiky ataon’ny  sehatra iraisam-pirenena ny lalàm-pifidianana mba tsy ho tonga amin’ny  korontana sy krizy ny firenena », hoy ny fanambarana iombonana nataon’izy ireo miaraka amin’ny fiarahamonim-pirenena. Tsy te hahita ny tranga  tahaka ny  miseho any Afrika ireto mpanao politika ireto ka izao mitady fanohanana  izao. Nohitsin’izy ireo fa tokony  hangarahara izao dingana hirosoana amin’ny fifidianana  izao. « Aoka  hohenoina ny feon’ny hery velona  rehetra ary tokony  horaisina dieny  izao ny fepetra rehetra tsy hahatongavana amin’ny  savorovoro eto amin’ny firenena. Mba ho fifidianana azo antoka sy eken’ny rehetra izany  hataontsika izany », hoy ihany izy ireo.  Nohitrikitrihin’izy ireo fa mampiahiahy ny fihetsiky ny fanjakana manoloana io volavolan’ny lalàm-pifidianana io. Miantso ny  iraisam-pirenena koa  izy ireo mba  hanohana sy hanampy eo amin’ny lafiny teknika sy vola izany.

Ho toy ny lalàn’ny serasera sy ny fifandraisana

Anisan’ny nandray anjara tamin’izany ny avy amin’ny Tim sy ny Freedom, ny Teza sy  ireo maro hafa, miaraka amin’ny  fiarahamonim-pirenena. Nilaza  ny mbola  hanohy ny  fivoriana sy  ny  fampotambaran-kery izy  ireo, manoloana ny fiahiahiana  ny  fanjakana mialoha ny hiatrehana ny  fifidianana. Efa nisy rahateo ny fihaonana teo aloha ary nanomezana fe-potoana  herinandro ny fitondrana hamoaka izany volavolan-dalàm-pifidianana izany. Tsy nivaly anefa izany ka  izao miantso ny iraisam-pirenena izao izy ireo mba tsy ho tahaka ny lalàn’ny serasera sy ny fifandraisana ny lalàm-pifidianana ka hiova an-dalana, tsy araka ny fakan-kevitra sy ny niaingana tany am-boalohany.

Synèse R.

Laisser une réponse

Votre adresse email ne sera pas rendue publique